Bir halyqpyz, bir taǵdyrmyz!

Seısenbi, 24 sáýir 2012 7:23

Búginde Qazaq elion san ulttar menulystardyńordaly uıyǵyna, shadyman kúlkilibaqyt ordasynaaınalypotyrǵandyǵybelgili. Mundanásilge bólý, dingebólý, ultqa bólýjoq. Ala qoıdybóle qyryqpaǵanádiletti de salı­qa­ly saıasat ustanǵanQazaqstandatatýlyq pen turaqtylyq ornaǵany da sondyqtan dep bilýimiz kerek. Alyntymaqty jerge yrys pen baq qonaqtap, ámse baıandylyqpen tu­raqtaıtynyn halqymyzdyń ǵasyrlar boıǵy danalyǵy dáriptep keledi.

Seısenbi, 24 sáýir 2012 7:23

Búginde Qazaq elion san ulttar menulystardyńordaly uıyǵyna, shadyman kúlkilibaqyt ordasynaaınalypotyrǵandyǵybelgili. Mundanásilge bólý, dingebólý, ultqa bólýjoq. Ala qoıdybóle qyryqpaǵanádiletti de salı­qa­ly saıasat ustanǵanQazaqstandatatýlyq pen turaqtylyq ornaǵany da sondyqtan dep bilýimiz kerek. Alyntymaqty jerge yrys pen baq qonaqtap, ámse baıandylyqpen tu­raqtaıtynyn halqymyzdyń ǵasyrlar boıǵy danalyǵy dáriptep keledi.

Mine, bizben áńgimesinde naq osy oraıdaǵy óreli oılaryn Qazaqstanhalqy Assambleıasynyń múshesi, Qazaq­stan­nyń eńbek sińirgen qaıratkeri, «Koreı memlekettik respýblıkalyq mýzykalyq komedııa teatry» qazynalyq kásipornynyń dırektory, «Qazaqstan halqy Assambleıasyáleýmettik konsorsıýmy» qoǵamdyq qorynyń bas dırek­tory, Qazaqstannyń «Samuryq» ult teatrynyń bas dırektory Lıýbov NIortaǵa salyp edi:

Biz qazirde Qazaqstan hal­qynyń ordaly da ortaq, tatý-tátti de ónegeli otbasynda, keregesi keńinen tartylǵan shapaǵatty shańyraǵynyń as­tyn­da ómir keshýdemiz. Tek pa­rasatqa ǵana júgingen, meıi­rim men mahabbat lebizine ǵana qulaq asatyn bul ordada eshkim de adamdardy ultyna qarap bólmeıdi. Bul jerde bárinen buryn izgilik pen adal­dyq, shynaıy shyn­shyl­dyq pen dostyq joǵary ba­ǵa­lanady. Men ózim ana retinde, áje retinde árbir qazaq­stan­dyq úshin beıbitshilik pen tynyshtyqtan, óz balalary­myz­dyń bolashaǵy men óz shańyraǵymyzdyń beriktigine degen senimdilikten mańyzdy eshteńe joq dep esepteımin. Bul senimge baratyn jol baǵ­zy zamandardan beri belgili. Barlyq ýaqyttarda meıirim­di­lik pen danalyq, ózara qur­met pen syılastyq, adam­dar­dyń yntymaǵy men aqyl-pa­rasat, bir-birin tyńdap, túsine bilýi beıbitshilik pen tynysh­tyqqa bastaıtyn bolǵan.

Men on jyldan astam ýa­qyt boıy Qazaqstan halqy Assambleıasynyń múshesi bolyp kelemin. Sonyń arqasyn­da kóp etnosty Qazaqstan hal­qynyń mádenıetaralyq jáne etnosaralyq úılesimdi úndesýine belsendi qatysyp kele jatqanymdy maqtan tu­tamyn. Al osynaý ıgilikti is, izgi nıetimdi men Qazaq­stan­nyń «Samuryq» ult teatry jáne «Qazaqstan halqy Assambleıasy áleýmettik konsorsıýmy» áleýmettik qory ar­qyly iske asyrýdamyn.

Qazaqstannyń «Samuryq» ult teatry Qazaqstan halqy Assambleıasynyń XVI sessııasynda aıtylǵan Elbasy tapsyrmasy boıynsha qurylǵan bolatyn. Bul teatrdyń erek­sheligi sol, ol bir mezgilde birneshe tilde jumys isteıdi. Teatr sahnasynda arnaıy sha­qyrylǵan shyǵarmashyl, daryndy, qazaqstandyq qoǵam­nyń birligin óner tilinde beıneleýge qabiletti dara tul­ǵalar qyzmet etpek. Sóıtip, olar kórkemdik quraldar ar­qy­ly Qazaqstan halqy As­sam­bleıasynyń eldegi birtutas rýhanı keńistikti nyǵaıtý oraıyndaǵy mindetterin sheshýge septigin tıgizbek.

Al osy birtutas rýhanı keńistik degenimiz baıyrǵy parasatty qazaq dilinde tııa­naq tabady. Sóıtip, ol to­le­ranttylyqqa, yntymaqqa, óz­ara senimge jáne búgin tańda 130-dan astam etnostardyń besigine aınalǵan el men jerge degen otanshyldyqqa, ıaǵnı patrıotızmge jol ashpaq. Biz­diń mádenıetimiz qazaq­stan­dyq qoǵamnyń moraldyq-adam­gershilik negizderin óz boıyna daryta otyryp, ári sonyń sony sıpatty kór­set­kishi de bolyp tabylady. Son­dyqtan óner arqyly or­taq elimizdiń biregeı dara­ly­ǵyn saqtap, ári qaraı damytýymyz zańdy. Osy jaǵdaıda kópultty Qazaqstan halqy mádenıetteriniń ózara sińisip, tereń tamyr jaıyp baıýy onyń rýhanııatyna da ıgi yq­pal etedi. Osylaısha tolerantty, birneshe tildi meńgergen, oń ózgeristerdi ashyq qabyl­daýǵa ıkemdi jáne babalar dástúrlerin kózdiń qara­shy­ǵyndaı saqtaıtyn Qazaqstan azamatynyń qaıtalanbas beı­nesi qalyptaspaq.

«Samuryq» ult teatry bel­gili jazýshy, dramatýrg, Memlekettik syılyqtyń laýreaty Dýlat Isabekovtiń pe­sasy boıynsha qoıylǵan óziniń alǵashqy «Baqyt qusy» atty spektaklin Qazaqstan Táýel­sizdiginiń 20 jyldyǵy­na arnady. Ult teatry – osyn­daı úlgidegi tuń­ǵysh teatr. Qa­zaqstan boıynsha onyń ázirge balamasy joq.

Sońǵy bes jyl boıynda Assambleıa aıasynda «Qazaq­stan halqy Assambleıasy áleý­mettik konsorsıýmy» qo­ǵamdyq qory men Muhtar Áýe­zov qory birlese otyryp, júıeli de maqsatty jumys júrgizip keledi. Elimizdiń bir­tutas rýhanı keńistigin qurý jolynda «Jibek joly boı­yn­daǵy áńgimeler» formatyn paıdalanýdamyz. Bul oraıda Qazaqstanmen ǵana shektelip qalmaı, izgilikti murat-nıe­timizge Ortalyq Azııanyń bas­qa da respýblıkalaryn tar­týdamyz. Sóıtip, únqatysý óri­si keńeıe túsýde. Bul dege­nińiz, qazaqstandyq otansúı­gish­tik pen patrıotızmdi, to­leranttylyqty jáne árbir azamattyń el men otbasy al­dyndaǵy jaýapkershiligin tár­bıeleýge baǵyttalǵan taǵy bir ilkimdi joba bolyp otyr.

Aıta keterlik bir jaǵdaı, osy áleýmettik konsorsıým Qazaqstan halqy Assambleıasy músheleriniń bastamasy boıynsha qurylǵan edi. Olar bıznestiń áleýmettik jaýap­ker­shiligin jaqsy túsinip, osy rette sózden iske kóshýdiń táýir úlgisin kórsete bildi. Dú­nıe júziniń kóptegen elde­rin qarjylyq daǵdarys jaılap, turmys dárejesi tómen­dep jatqan kezde bizdiń Qa­zaqstanymyzda kóılek kók, tamaq toq degendeı berekeli barqadar jaǵdaı qalyptasyp otyrǵanyna shúkirshilik etemiz. Bul da elimizde júrgizilip otyr­ǵan salıqaly da sarabdal saıasattyń arqasynda múm­kin bolǵan bizdiń bir baqytymyz shyǵar. Bizdiń Ult teatrymyz elimizdegi Ulttyq ál-aýqat qorymen attas bolyp, «Samuryq» dep atalǵa­nyn da bir erekshe jaqsylyq nyshanyna balaımyn. Dýlat Isabekovtiń spektaklinde aıǵaqtalǵandaı, osy «Baqyt qusy» bizdiń basymyzdan máńgi ketpesin demekpin.

Qorytyndylaı kele aıtarym, Memleket basshysynyń bastamasymen qurylǵan Qa­zaq­stan halqy Assambleıasy mádenıetaralyq jáne etnos­ara­lyq únqatysýdyń biregeı tetigine, memleket pen azamat­tyq qoǵamnyń birlese is-qı­myl jasaýynyń serpindi qu­ralyna hám dánekerine aınaldy. Biz, Qazaqstannyń ata- jurtynda ystyqtaı eljirep baýyr basyp, tereńnen tamyr tartyp mekendegen san alýan etnostardyń ókilderi ózimiz­diń ortaq Otanymyzdyń bir­lik-berekesin saqtaý oraıyn­da­ǵy joǵary paryz jaýap­ker­shiligin barsha jan-dúnıe­miz­ben sanaly túrde uǵynyp se­zi­nemiz. Sebebi, biz Táýel­siz­diktiń 20 jylynda bir halyq, bir taǵdyr bolyp somdalyp úlgerdik.

Jazyp alǵan Qorǵanbek AMANJOL.