Aısholpan aldaǵy ýaqytta Amerıkada bilim alýdy josparap otyr. Qazir Los-Andjeleste oǵan arnalyp jeke kitap jazylyp jatyr. Aǵymdaǵy jyly tusaýy kesilýi tıis. Ol ózi turyp jatqan eliniń BAQ ókilderine bergen sqhbatynda ózin álem jurty «Búrkitshi qyz» retinde tanyǵanyn, endi «bilimdi Aısholpan» retinde tanyǵanyn qalaıtynyn aıtypty.
«Amerıkada oqımyn dep sheshtim. Dál qaı ýnıversıtet ekenin áli tańdamadym. Buǵan deıin Garvard, Oksford ýnıversıtetteri grant usynǵan bolatyn. Biraq, áli sońǵy tańdaýymdy jasaǵan joqpyn» –deıdi Aısholpan jýrnalıstermen kezdesken kezde.
Aısholpan jaıly qazir AQSh-ta kitap jazylyp jatyr.
Tusaýy Los-Andjeles qalasynda kesiledi. Avtory Lıýza Ýelsh.
Kitaptyń ataýy «The Eagle Huntress».
Lýıza qazirgi ýaqytta kitapty jazyp, aıaqtap qalypty.
Aısholpandy izdep baryp, arnaıy fılm túsirgen shet eldik jýrnalısterdiń de, onymen kezdesýge barǵan týrısterdiń de qarasy kóp boldy. Máselen, 2018 jyly Mońǵolııaǵa 30 astam eldiń saıahatshylary barǵan bolsa, sonyń 40% jýyǵy Aısholpandy kórý úshin attanypty.
Búrkitshi qyz 2018 jyly Mońǵolııa prezıdenti Haltmaagıın Battýlganyń jarlyǵyna saı «Altyn juldyz» ordenimen marapattaldy. Al 2019 jylyń basynda prezıdent Nursultan Nazarbaevpenjúzdesti.
- «Jastar jylynyń» ashylýynda da aıttym, qazirde qaıtalaımyn. Qazaqtyń Prezıdentimen kezigý meniń armanym edi. Maqtanǵanym emes, osy kúnge deıin álemniń talaı juldyzdarymen keziktim. Olarmen aralasyp kórdim. Biraq, Elbasynyń boıynan buǵan deıin eshkimnen kórmegen kúsh-qýatty baıqadym. Energııasyn sezdim. Qansha daıyndalyp barsam da, Prezıdentti kórgen kezde qobaljyp, qansha kún daıyndalǵan sózimniń bárin umytyp qaldym. Nátıjesi qalaı bolǵanyn búkil Qazaqstan kórdi-deıdi Aısholpan.
Álem moıyndaǵan Aısholpandy Qazaqstan jurty keńinen tanydy, al AısholpanQazaqstanmen jaqyn tanysty. Ol úshin Astanaǵa kelý, osynda oqýǵa túsý kútpegen ári aıtýly oqıǵa boldy.
Gúlbarshyn SABAEVA,
«Egemen Qazaqstan»
Almaty
