Medısınalyq qyzmet kórsetýdegi qordalanǵan máselelerdi tórt túıinge jınaqtaǵan mınıstr bylaı dedi: «eń basty mindet – medısınalyq qyzmettiń qoljetimdiligi men sapasyn arttyrý. Mınıstrlik memlekettik organdar men áleýmettik jeli arqyly medısına salasyna degen halyqtyń pikirin zerttep, olardy ne mazalaıtynyn anyqtady. Birinshiden, sapasyz medısınalyq qyzmetter emhanalarda, jedel járdem jáne aýrýhanalardyń qabyldaý bólimderinde óte jıi kezdesedi. Ekinshi másele – medısınalyq qyzmettiń qoljetimdiligi. Bul kóp jaǵdaıda túrli tehnologııalarǵa, medısınalyq qyzmettiń jáne dári-dármektiń baǵasyna baılanysty bolyp otyr. Úshinshiden, densaýlyq saqtaý salasynyń ashyqtyǵy. Halyq medısınalyq qyzmetterdiń qalaı uıymdastyrylyp, qalaı jetkizilip jatqanyn túsinbeıdi. Olar qandaı júıeli sharalar men jańa tártipterdiń engizilgeninen habarsyz. Ony biz durystap kórsetpeımiz. Sońǵy bir mańyzdy másele – halyqtyń densaýlyq jaǵdaıy».
Ásirese naýqastar shuǵyl, jospardan tys stasıonarǵa túsken kezde medısınalyq qyzmettiń durys kórsetilmeıtinin aıtqan mınıstr qabyldaý bólimderine shuǵyl kómek kórsetetin dáriger engiziletinin jetkizdi.
Maıgúl SULTAN,
«Egemen Qazaqstan»
