Báıterektiń bir butaǵymyz

Beısenbi, 26 sáýir 2012 7:23

Qanatynyń aıasyna qanshama ult pen ulys uıysqan, bári qasıetti shańyraq tutatyn Táýelsiz Qazaqstan Respýb­lı­ka­sy­nyń qushaǵy kim-kimge de aıqara ashyq­tyǵymen aıan. Sondyqtan da bolar, Qazaqstandy Otanym dep biletin qazaq­standyq uıǵyrlardyń aldyńǵy úlken bir shoǵyry Jetisý óńirine XVIII ǵasyr­dyń ortasynda kelip, qutty mekenge aılandyrsa, sodan jaıylǵan tamyr qazir jasaryp, jaıqalyp ósýde. Turǵy­lyqty halyq – tamyry da, dini de, dili de, tili de bir baýyrlas qazaq halqymen maqsat-múddesi birge tutasyp, berekeli Jetisý óńirin odan ári gúldendirýge bar kúsh-qýatyn jumsap keledi.

Beısenbi, 26 sáýir 2012 7:23

Qanatynyń aıasyna qanshama ult pen ulys uıysqan, bári qasıetti shańyraq tutatyn Táýelsiz Qazaqstan Respýb­lı­ka­sy­nyń qushaǵy kim-kimge de aıqara ashyq­tyǵymen aıan. Sondyqtan da bolar, Qazaqstandy Otanym dep biletin qazaq­standyq uıǵyrlardyń aldyńǵy úlken bir shoǵyry Jetisý óńirine XVIII ǵasyr­dyń ortasynda kelip, qutty mekenge aılandyrsa, sodan jaıylǵan tamyr qazir jasaryp, jaıqalyp ósýde. Turǵy­lyqty halyq – tamyry da, dini de, dili de, tili de bir baýyrlas qazaq halqymen maqsat-múddesi birge tutasyp, berekeli Jetisý óńirin odan ári gúldendirýge bar kúsh-qýatyn jumsap keledi.

Sany kóp bolsyn, az bolsyn, qaı etnostyń da ózindik ulttyq qundy­lyq­tar­dy, salt-dástúrdi saqtap, ana tilin qasterlep, órkendep damýyna múmkindigi keńeıip, joly dańǵyldana túsýde desek, buǵan aıǵaq-dáıekter jetip-artylar edi. Solardyń biri – biz, uıǵyrlardyń da qo­ǵamdyq ortadaǵy belsendi ómirin, eli­mizdiń mereıi men bedelin asyrýdaǵy yn­tymaqtastyqtyń is-qyzmetin, ortaq jetistikterge qosýdaǵy súbeli úlesterin atap aıtýǵa jarasady. Búginde qazaq­standyqtar qatarynda elimizdegi 260 myń­nan asa uıǵyrdyń 80 paıyzy Alma­ty oblysynda turatyndyǵyn eske alsaq, oblystyń órkendeýine qosylyp jatqan úlestiń qomaqty ekendigin, eldiń yntymaǵy men dostyǵyna, memle­ke­timizdiń odan ári ósip-órkendeýine adal qyzmet etkendigin birden bilemiz.

Qazaqstanda az sandy ulttarǵa jasal­ǵan jaǵdaı álemniń esh elinde joq. Qa­zaq­stanǵa ǵana tán demokratııalyq jańa­shyl­­dyq – tek bizdiń elimizde ǵana memleket aýmaǵynda turyp jatqan etnostar joǵa­ry zań shyǵarý organyna – Parlamentke óz depýtattaryn saılaı alady. Osynaý jyldarda Qazaqstan halqy Assambleıasy jáne onyń aımaqtardaǵy fılıaldary da óziniń tıimdiligin is jú­zin­de kórsetip, halqymyzdyń birliginiń nyǵaıýyna tıgizer paıdasy mol ekenin ómir kórsetýde.

Biz búgin qarymdy qadammen qarysh­taı basyp, 20 jyldyq táýelsiz tarıhty artqa qaldyryp, jańa onjyldyqtyń perdesin ashyp otyrmyz. Halqymyzda ótken­ge taǵzym et degen sóz bar. Elimizdi álem­ge tanytqan Elbasynyń eńseli eńbegi ar­qyly jemisti bolǵan 20 jylǵa rahmet aıtyp, alǵa belgilengen isten taımaı, uly maqsattarymyzǵa qol jetkizýge jol bas­taldy.

Qazaq jeri keńbaıtaq, kóńili darhan, talaı tar jol, taıǵaq keshýlerde tyǵy­ryq­tan shyǵyp qana qoımaı, nebir qıly zamanda shetten kelgen basqa ult ókil­derin jatsynbaı qarsy alyp, baýyryna basyp, tórin berip, bir japyraq nanyn bólisip jedi. 1995 jyly túrli ult ókil­diriniń basyn qosyp, tatýlyq pen beıbit­shiliktiń elimizde saltanat qurýyn maqsat tutqan Elbasy N.Nazarbaev Qazaqstan halqy Assambleıasyn qurý jóninde bastama kóterip, ol júzege asty.

Elbasy N.Á.Nazarbaev 2010 jyly ótken jáne jumysyna ózim qatysqan Qazaqstan halqy Assambleıasynyń XVI sessııasynda sóılegen sózinde: «Osydan 15 jyl buryn irgesi qalanǵan Assambleıa órkenıetti álemge óziniń ómirsheńdigin dáleldep berdi. Qoǵamdyq kelisimniń kepili bolǵan Qazaqstan halqy Assambleıasy elimizdegi tutastyqtyń tutqasyna, birlik­tiń dińgegine, dostyqtyń dánekerine aı­nal­dy. Elimizdegi tatýlyq pen turaq­ty­lyqtyń berekeli beketine aınalýyna Assambleıa úlken úles qosyp keledi» degen bolatyn.

Elimizdegi halyqtar dostyǵy men tatý­lyqqa ózim basshylyq etetin «Birlik» qoǵamdyq qorynyń da qosyp kele jatqan úlesi qomaqty dep bilemin. Uıǵyr jas­tarynyń basyn qosqan bul uıym óz ju­mysyn jyl saıyn jetildirip, jastary­myzdyń qoǵamdyq belsendiligin qoldan kelgenshe qoldap keledi. Endi «Birlik» qoǵamdyq qory janynda ashylǵan «Atılla» áýesqoı sport klýby músheleriniń sany myńǵa jaqyndap qaldy. Jastar salamatty ómir saltyn qalyptastyrý boıynsha da jasóspirimderge úlgi bolyp keledi. Sondyqtan da olar bos ýaqytyn tıimdi ótkizý maqsatynda sport klýbyna kelip, shyǵys jekpe-jek kúresteriniń birneshe túrimen shuǵyldanady. Birneshe etnos ókilderin qamtyǵan «Atılladan» Eýropa, Azııa jáne álem chempıondary da shyqty. Olar elimizdiń Ánurany álem tórinde oryndalýy úshin ártúrli týrnırler men chempıonattarda namysty qoldan bermeıdi.

«Birlik» qory bolsa, jastardyń árqandaı bastamasyn qoldaı otyryp, qarjylaı kómegin de aıamaıdy. Mysaly, jýyrda ǵana 16-30 jas aralyǵyndaǵy qyz-jigitterdiń «Shahzadá vá Shahıná – 2012» án-bı baıqaýyn, atalmysh qordyń qoldaýymen uıǵyr jastarynyń birneshe KVN klýbtary qurylyp, olar 8 sáýir kúni KTK (KVN) festıvalin ótkizdi. Endigi jerde qor uıǵyr aqyn-jazýshy­larynyń eńbekterin baspadan shyǵarý úshin olarǵa da járdem qolyn sozyp keledi.

О́zim ótken jyly qazaq tilinde shy­ǵatyn respýblıkalyq «Mádenıet» jýrnalyna 1 mıllıon teńge kóleminde qoldaý kórsettim, marqum jazýshy jáne dramatýrg Sh.Shavaevqa eskertkish ornatýǵa da biz dáneker boldyq. Aıta bersek, mundaı jumystarymyz óte kóp. Biraq másele bularda emes, másele bizdiń ósip-nyǵaıýymyzǵa elimizde bolǵan barlyq jaǵdaıdyń jasalǵanynda. Iá, nátıje de yrysty, yntymaǵy uıyǵan jerde bolady. Ony qazaqstandyq uıǵyrlar júrekterimen uǵyp, ıgilikti isterimen dáleldep keledi.

Adıljan ZÁINAÝDIN, QHA múshesi, «Birlik» qoǵamdyq qorynyń prezıdenti.

Almaty.