Saıasat • 18 Aqpan, 2019

Q.Toqaev Mıýnhen konferensııasyna qatysty

216 retkórsetildi

Qazaqstan Parlamenti Senatynyń Tóraǵasy Qasym-Jomart Toqaev Memleket basshysynyń tapsyrmasy boıynsha 15-17 aqpanda Mıýnhen qaýipsizdik konferensııasyna qatysty.

Tanymal álemdik saıasatkerler, sarapshylar men qoǵam qaıratkerleri bas qosatyn bedeldi forým dástúr boıynsha jahandyq jáne aımaqtyq qaýipsizdiktiń eń mańyzdy máselelerin talqylady. Konferensııaǵa qatysýshylar Taıaý Shyǵys, Balkan men Kavkazda beıbitshilikti qamtamasyz etýdiń keleshegi pikirsaıystyń basty nazarynda boldy. Jekelegen sessııalar halyqaralyq saýda, qarý-jaraqty baqylaý, klımat ózgeristeri men kıbertehnologııanyń qaýipsizdik jaǵdaıyna áserine arnaldy.

Konferensııada memleketter men úkimetterdiń basshylary, parlamentter tóraǵalary, halyqaralyq uıymdardyń kóshbasshylary, yqpaldy sarapshylar sóz sóıledi. Senat Tóraǵasy birqatar paneldik sessııalarǵa jáne «Transulttyq qaýipsizdik» taqyrybyna arnalǵan dóńgelek ústelge qatysty.

17 aqpanda Q.Toqaev Mıýnhen konferensııasymen oraılas ótken joǵary deńgeıdegi halyqaralyq ınvestorlar qatysqan dóńgelek ústelge qatysty. Senat Tóraǵasy transulttyq 20-dan astam iri qarjy kompanııalarynyń basshylary qatysqan sharada Qazaqstannyń ınvestısııalyq múmkindikteri týraly aıtyp berdi.

Onyń sózinde bıznes ahýaldy odan ári jaqsartýdaǵy Qazaqstannyń baǵyt-baǵdaryna basa nazar aýdaryldy. Q.Toqaev bizdiń elimiz 300 mıllıard dollarǵa jýyq somaǵa sheteldik tikeleı ınvestısııa tartqanyn habaralady. Kásipkerlikti qoldaýǵa baǵyttalǵan zańnamalyq sharalar dáıekti túrde júzege asyp keledi. Iri ınvestısııalyq jobalardy iske asyrýǵa maqsatynda Tikeleı ınvestısııalar qory qurylady. Dúnıejúzilik Doing Business bankiniń reıtıngi boıynsha Qazaqstan 190 eldiń ishinde 28-shi orynǵa shyqty.

Q.Toqaev taý-ken, metallýrgııa, munaıgaz, energetıka, kólik jáne ulttyq ekonomıkanyń aldyńǵy qatardaǵy basqa da kásiporyndar aktıvterin jappaı jekeshelendirý jospary týraly habarlady. Tóraǵa ınvestorlardy Eýrazııalyq ekonomıkalyq odaq, Qytaı, Ortalyq Azııanyń aýqymdy naryqtaryna baǵdarlanǵan ónimder óndirýge arnalǵan alań retinde Qazaqstannyń múmkindikterin qarastyrýǵa shaqyrdy.

Q.Toqaev atap ótkendeı, Qazaqstan ekonomıkany jedel jańǵyrtý, jańa tehnologııalar men ınnovasııalardy engizý baǵytyna bet aldy. Kezdesýge qatysýshylar «Nurly jol» strategııasyn iske asyrýdyń arqasynda bizdiń elimizdiń kólik-tranzıt áleýeti eleýli túrde ulǵaıǵanyna, transqurlyqtyq jańa temirjoldyń, halyqaralyq avtomobıl jáne teńiz joldarynyń iske qosylýyna erekshe nazar aýdardy.

Tóraǵa jasyl, ıslamdyq jáne ınnovasııalyq qarjy quraldaryn damytýdyń aımaqtyq ortalyǵy bolýǵa barlyq múmkindikteri bar «Astana» halyqaralyq qarjy ortalyǵynyń jumysyna toqtaldy. Bul kezdesýge «Astana» halyqaralyq qarjy ortalyǵynyń basqarýshysy Qaırat Kelimbetov qatysty.

Sońǵy jańalyqtar

Mańǵystaýda «ANTIKOR ORTALYGY» ashyldy

Rýhanııat • Búgin, 11:38

Tennıs: Elena Rybakına fınalda

Tennıs • Búgin, 08:52

Basty aqparat (21.02.2020)

Vıdeo • Keshe

Uqsas jańalyqtar