Kezdesýge kelgen aýǵan soǵysynyń ardagerleri Nurlan Atalov, Rysbek Nurmaǵambetov jáne basqalary oqýshylarǵa ózderi jáne qarýlas dostary týraly erlik oqıǵalardy, túrli estelikterin aıtty. Qalanyń Esil aýdanynyń Qorǵanys isteri basqarmasynyń bastyǵy polkovnık Rýstam Jalbınov, basqarmanyń mamany kapıtan Qaıyrbek Akbarov ta qatysty.
«Aýǵandaǵy otty jyldar» atty is-sharanyń uıymdastyrýshysy, №7 mektep-gımnazıanyń alǵashqy áskerı daıyndyq pániniń muǵalimi Eldos Toqtaǵazy:
– Bul sharanyń maqsaty – Aýǵkan soǵysynyń aqıqaty týraly oqýshylarǵa habar berý. Jas urpaqqa ardager aǵalardyń erlikterin úlgi retinde kórsete otyryp, otansúıgishtikke baýlýǵa, ardagerlerge degen qurmet sezimin kúsheıtýge tyrystyq,– deıdi.
Kezdesý barysynda oqýshylar shaǵyn konsert qoıyp, patrıottyq ánder oryndap, qonaqtarǵa syı-qurmetterin kórsetti. Shara sońynda Qorǵanys isteri basqarmasy men mektep ujymy ardagerlerdi medaldarmen, alǵys hattarmen marapattady.
