Jańa jyldan bastap Aqtóbe aımaǵynda buǵan kerisinshe jaǵymdy jaǵdaı oryn alyp otyr. Iаǵnı joǵaryda atalǵan halyqqa kórsetiletin kommýnaldyq qyzmet túrleri besten on paıyzǵa deıin arzandady. Ásirese gaz ben jylý tarıfteriniń edáýir tómendeýi turǵyndardyń jyly yqylasyna ıe bolyp, rızashylyq sezimderin týǵyzdy. Sonymen birge kommýnalyq qyzmettiń ózge túrleri –sý, sondaı-aq káriz úıeleri aǵyndy sýlary men lıft, páter ıeleri kooperatıvteri, domofon, qoqys shyǵarý qyzmetterin paıdalanǵany úshin de aqtóbelikter buǵan deıingi kezben salystyrǵanda az tólem tóleı bastady.
Buǵan qalaı qol jetti? Iаǵnı bul úshin ótken jyly óńirde memlekettik mekemeler men monopolııaǵa qarsy qyzmet jáne prokýratýra organdary ókilderin toǵystyratyn arnaıy jumys toby quryldy. Olar dereý iske kirisip, kommýnaldyq kásiporyndardaǵy artyq shyǵyndardy alyp tastaýǵa qol jetkizdi. Sodan soń halyqqa qyzmet kórsetýdiń aqyrǵy qunyn anyqtaýǵa kúsh saldy. Sóıtip, artyq-kemi joq árbir tarıftiń ózindik quny belgili boldy. Mundaı jumystar kommýnaldyq qyzmetterdiń arlyq túrleri boıynsha júrgizildi, -dedi bul jóninde gazet tilshisine Aqtóbe qalasynyń ákimi Ilııas Ispanov.
Qazirgi kúni kommýnaldyq qyzmet túrleri baǵalarynyń tómendegenin aqtóbelikter sezinip otyrǵan syńaıly. Mine, óńirde tarıfterdi túsirý jóninde atqarylǵan jumystardyń basty nátıjeleri osyndaı. Mundaıda bárekeldi demegende ne demekpiz!
Temir QUSAIYN,
«Egemen Qazaqstan»
AQTО́BE
