«Sybaǵa» memlekettik baǵdarlamasy boıynsha bólingen arzan nesıeni 14 sharýa qojalyǵy alyp, bul qarjy 1317 bas asyl tuqymdy iri qara satyp alýǵa jumsalǵan eken.
Aýyl sharýashlyǵyn qarjylaı qoldaý qory júzege asyratyn «Sybaǵa» baǵdarlamasynyń bir salasy múıizdi iri qara malynyń basyn kóbeıtip, eksportqa et shyǵarý maqsatynda shetelden asyl tuqymdy mal satyp alýdy qarjylandyrý bolsa, ekinshi baǵyty ishki naryqtaǵy qoı men eshki malynyń sanyn kóbeıtýdi kózdeıdi. Byltyr bul maqsatta oblys malshylary 383,2 mln teńgege qoı men eshki satyp alyp, 12113 bas ýaq jandyq qystamaǵa kirgen.
Jalpy, Aýyl sharýashylyǵyn qoldaý qory boıynsha beriletin nesıe tek mal satyp alýǵa ǵana emes, agrobıznes salasynda qyzmet kórsetetin nysandardy da qarjylandyrady. Máselen, «Kásipker» baǵdarlamasy sharýashylyqqa qyzmet kórsetý, ónim alý men saýda – sattyq sııaqty jumys túrin sýbsıdııalaıdy. Byltyr osy «Kásipker» baǵdarlamasy aıasynda jetisýlyq 103 kásipker 763,3 mln teńge nesıe alyp, kásibin dóńgeletipti.
Qalmahanbet MUQAMETQALI,
«Egemen Qazaqstan»
Almaty oblysy
