O, toba, jýandyǵy bas barmaqtyń úlkendigindeı, uzyndyǵy eki eli nán qara bas jylan tilin súırektetip tup-týra maǵan qaraı ıreleńdep keledi eken. Jalma-jan ushyp túregeldim. Osy sátte aramyzda bir metrdeı ǵana jer qalypty. Jylan qalt tura qaldy da sanaýly sekýntardyń ishinde basyn kúrt keri buryp, jorǵalaı jóneldi. Artynan qýmadym. Tıispedim. Kim biledi, dál sol arada aıaq astynan tas pen taıaq tabyla qalǵanda kesekter me edim, qaq basynan sileıtip urar ma edim.
Oılanyp qaldym, apyrmaı jylan adamdarǵa ózdiginen tıispeıdi, ýy men zárin shashpaıdy demeıtin be edi. Bul tirshilik ıeleri ózderine adamdar qaýip tóndirgende ǵana qorǵanys amalyna kóship, ony shaǵyp alýǵa árekettenýi basqa amalynyń joqtyǵynan degendi de estigenbiz. Sonda qalaı bolǵany?
Men jylanǵa ózdigimnen tıisken joqpyn ǵoı. Jylan keri ketken soń jatqan jerimniń bir jaq janynan ýly jándik –búıeniń qum betine tyrmysyp jatqanyn kózim shalyp qaldy. Sonda qalaı, jylan meniń qutqarýshym bolǵany ma? Joq, álde qarabas jylan qalǵyp ketken kezimdi paıdalanyp, qoınyma jaıǵasyp tiliniń bizin suqqysy keldi me eken? Álde baýyrymen jorǵalaýshy búıeni nysanaǵa aldy ma eken?buǵan áli kúnge deıin kózim anyq jetpeıdi.
Temir QUSAIYN,
«Egemen Qazaqstan»
AQTО́BE
