О́ner • 18 Aqpan, 2019

Kóne saryn áýeledi

296 retkórsetildi

Oblys ortaly­ǵyn­daǵy J.Aıma­ýy­tov atyn­­­daǵy mý­zy­­ka­lyq drama tea­­t­ryn­da «Uly dala­nyń kóne saryndary» fes­tı­vali ótti. Elba­synyń «Uly dalanyń jeti qyry» maqalasymen oraılasa kelgen «Nur Otan» par­­tııa­synyń qurylǵanyna 20 jyl tolýyna oraı bastalǵan festıvalǵa eli­­mizdiń ár óńirinen ánshiler men kúıshiler jınaldy.

Dástúrli án keshin jyrshy-termeshi Almas Almatov júrgiz­di. Zalǵa jıylǵan qaýym kúıshi Batyrjan Myqtybaevtyń oryn­daýyndaǵy Qurmanǵazynyń kúı­lerin tyńdap bir serpildi. Sah­na tórinde áýeletip án tókken ánshi­ler Erlan Rysqalı, Gúlmıra Sarına, Ádil Turǵambaev, Gúl­dana Noǵaıbaeva, sondaı-aq  jyrshy Almas Almatov, termeshi Jáken Omarov, Jetisý dástúrli án mektebiniń ókili Sholpan Dár­ja­novalarǵa jurtshylyq qýana qol soqty. 

Dástúrli óner ıeleriniń kı­gen ulttyq kıimderiniń ózi kó­­ne­niń kózindeı, sol bir zaman­ qalpyn, qalybyn saqtaǵan kúıin­­de, esh jasandylyq joq. Fo­nogramma, al­dyn ala jazyp qoıý, tehnıka de­genińiz joq, na­ǵyz­ dalalyq, tabı­ǵı, taza óner. 

– Menińshe, ásirese qazirgi ýaqytta estrada ánshilerinen buryn dástúrli ánshilerdiń konsertterin jıi ótkizý qajet. Umytylyp bara jatqan sııaqty edi, endi búgin mine, qaıta jańǵyr­dy. Halyq ánderin tyńdap, kóńil jadyrap qaldy. Mundaı jobalardy qýana qarsy alamyz. Dástúrli ánderimizdi, ulttyq ónerdi qurmetteıik, – dedi aqyn Aıgúl Moldash konsertten alǵan áserimen bólisip. 

Iá, halqymyzdyń uly má­de­nıeti ótken men bú­­gin­­di ­jal­­­ǵas­­tyryp, bolashaqqa ashylar rýhanı qaqpa bola aldy. El­basynyń «Uly dalanyń jeti qyry» maqa­lasy tól mádenıe­timizdiń shek­sizdigine tereń úńilt­ti. 

Bul qazirgi jahandaný zamanynda dala folklorynyń kóne saryndy únin, mádenıetin jańǵyrtýǵa múmkindik beredi. 

– Basty maqsatymyz – osy mádenı joba arqyly elimizdegi ár óńirdiń halyq ánderin aıtýdaǵy ózindik erekshelikterin, dástúrin jurtshylyqqa tanystyryp, jandandyrý, – dep atap ótti «Nur Otan» partııasynyń hatshysy Qanybek Jumashev.

«Uly dalanyń kóne saryndary» dástúrli mýzyka fes­tıvalinde óńirimizdegi Isa Baıza­qov atyndaǵy oblystyq fılarmonııa ánshileri, «Erkenaz» an­sambli, mýzyka mektebiniń oqý­shylary, kolledj stýdentteri de dombyra, sybyzǵy, syrnaı, jetigen syndy aspaptardyń súıemeldeýimen óner kórsetti. 

Qazirgi kúnderi Astanadaǵy Ulttyq óner ýnıversıtetinde, T.Júrgenov atyndaǵy Ulttyq óner akademııasy, Qurmanǵazy atyndaǵy konservatorııada dás­túrli ánniń tarıhyn, oryndalý mánerin úıretetin fakýltetterde bizdiń óńirimizden de tú­lek­ter oqyp bilim alýda.­ Dástúrli ánshiler Medǵat Ma­nap, Serik Syzdyqov, Ásel Ary­nova, Názıra Omar, Arhat Qaıratuly, Janbolat Baısoltan Estaıdyń, Kenen Ázirbaevtyń, Maıranyń ánderin áýeletip, Qurmanǵazynyń kúılerin tartyp, Maılyqojanyń jyr-ter­melerin shyrqady.

– Árıne, Estaı, Isa, Jaıaý Musa men Maıra týǵan jerdiń ul-qyzdarynyń án salyp, kúı tartpaýy múmkin emes! – deıdi Almas Almatov.

– Jalpy, festıvaldyń maq­­­­saty – dalanyń dástúrli áýen­derin búgingi urpaqqa án arqyly jetkizip, ulttyq rýhta tár­bıeleý. Sahnada óner kórse­tetin daraboz ánshi-kúıshilerdiń qataryna jergilikti jas óren­derdi de qostyq. Partııa bastama­sy­nyń jas órenderge jol ashary sózsiz. Elbasynyń «Uly da­lanyń jeti qyry» maqalasy hal­qymyzdyń baı murasy – kóne saryndardyń jańǵyrýyna sebepshi bolǵandaı, – dedi festıvalda sóz sóılegen oblys ákiminiń orynbasary Meıram Begentaev. 

– Atynyń ózi aıtyp turǵan­daı-aq «Uly dalanyń kóne saryndary» degen joba bizdiń óńirge de rýhanı sán berip, ásem áýender kóship kelgendeı boldy. Elbasy «Uly dalanyń kóne saryndary» jınaǵyn basyp shyǵarý qajettigi jaıly da «Uly dalanyń jeti qyry» atty maqalasynda aıtty. Kereký óńiri – Isa men Maırany, Estaı men Iman­júsipti ómirge ákelgen jer. Búgingi konsert – erteńgi tarıh. Keler urpaq tárbıesine qosqan úlesimiz dep bilemin, – deıdi Medǵat Manap.

Festıvalda zaldaǵy kórer­men keń daladaı, taza, tabıǵı úndi estidi. О́tkennen jetken qupııasy san­ taraý syrly, muńly áýen. Kók­seý degen osy. Sizdi eriksiz je­te­lep, ǵasyr qoınaýlaryna alyp ke­tedi. 

Al partııanyń elimizdiń rý­­hanı ómirine kóneden jetken áýender kúmbirin syılaǵan joba­synyń qorytyndysy Jetisý je­rinde, Taldyqorǵan qalasynda aıaqtalmaq.

Farıda BYQAI,

«Egemen Qazaqstan»

PAVLODAR

Sońǵy jańalyqtar

Búgingi jańalyqtar (27.02.2020)

Vıdeo • Búgin, 18:45

Basylym basshylary - Erkin QYDYR (1962)

Basylym basshylary • Búgin, 17:05

Karateshiler Aýstrııada aıqasady

Sport • Búgin, 16:26

Almatyda sel júrý qaýpi joq

Aımaqtar • Búgin, 16:23

Biz birgemiz: Aleksandr Baraev

Vıdeo • Búgin, 13:52

Álemniń 50 elimen jumys isteıtin oblys

Qazaqstan • Búgin, 12:58

Uqsas jańalyqtar