Brıfıngte oblystyq densaýlyq saqtaý basqarmasy bastyǵynyń orynbasary Bolat Ábishev jáne Aqmola oblysyndaǵy «SQ-Farmasııa» seriktestiginiń aımaqtyq ókildiginiń basshysy Roza Tilespaeva mynadaı málimdeme jasady.
– Aqmola oblysynda 2018 jyly 88 myń adam áleýmettik medısınalyq saqtandyrý qorynan 3,6 mıllıard teńgeniń tegin medısınalyq dári-dármekterimen qamtamasyz etildi. Al, 2019 jyly 5 mıllıard teńgege 120 myńǵa jýyq adamdy qamtamasyz etý josparlanyp otyr. Tegin beriletin dárilerdiń belgili bir tizimi jasalǵan. Bul tizim Qazaqstan Respýblıkasy Densaýlyq saqtaý mınıstriniń 2017 jylǵy 29 tamyzdaǵy №666 buıryǵymen kórsetilgen. Sondaı-aq, syrqattar tegin dári-dármekterdi turǵylyqty jeri boıynsha tirkelgen emhanada belgilengen bir dárihanadan alýǵa bolady.
2018 jyldan bastap barlyq dári-dármekterdi jetkizý Qazaqstan Respýblıkasy Densaýlyq saqtaý mınıstrligimen ortalyqtandyrylǵan. «SK-Farmasııa» JShS dári-dármekterdi ambýlatorııalyq jetkizý sheńberinde barlyq dári-dármekterdi satyp alý jáne jetkizý boıynsha biryńǵaı dıstrıbıýtor retinde anyqtaldy. Olardy qarjylandyrý áleýmettik medısınalyq saqtandyrý qory esebinen júzege asyrylady, – dedi Bolat Qalqamanuly óz málimdemesinde.
– Alǵashqy dári-dármekterdi jetkizý aǵymdaǵy jyldyń 28 qańtarynda bastaldy. Oblysqa 235 mıllıon teńge kóleminde 177 dári-dármektiń túri jetkizildi. Kókshetaý qalasyna 105 mıllıon teńge kólemindegi dári-dármek bólindi. Qazirgi ýaqytta jetkizilmegen dári-dármekterdi qańtar aıynda jáne aǵymdaǵy jyldyń aqpan aıyna jetkizý júzege asyrylýda, – dedi óz habarlamasynda Roza Aqpashqyzy.
Sonymen qatar sóıleýshiler tegin dári-dármekpen qamtamasyz etý máseleleri boıynsha búkil qazaqstandyq naýqastar kez-kelgen jergilikti telefonnan 1439 nómirine tegin qońyraý shala alatynyn jetkizdi.
Brıfıngti ótkizýshiler dári-dármekke baılanysty qoıylǵan suraqtarǵa jaýap berip, baılanys ortalyǵynyń operatorlary kepildik berilgen tegin medısınalyq kómek sheńberinde dıspanserlik tirkeý jáne ambýlatorııalyq em alý úshin pasıentterge tegin usynylatyn qajetti dárilik zattardy jetkizýde josparlanǵan merzimderi týraly aqparat beredi.
Baıqal BAIÁDIL,
«Egemen Qazaqstan»
Aqmola oblysy
