Ýnıversıtettiń birinshi kýrs stýdenti Valentına Shadrına kópbalaly otbasynan. Barlyǵy jeteý. Fılologııa bóliminde oqıtyn stýdenttiń jaqsylyqqa jany qumar. Nıetine oraı bolashaq pedagog memlekettik grant arqyly bilim alýda. Bul qamqorlyq jalǵyz ózin ǵana emes, otbasyn da qýantyp otyr.
– Bul grant bolmaǵanda oqý aqysyn tóleı almaıtyn edik. Jastarǵa jasalyp otyrǵan qamqorlyq úshin Elbasyna alǵysym sheksiz. Senim artylǵan soń tereń bilim alýǵa umtylatyn bolamyn,–deıdi Sh. Ýálıhanov atyndaǵy Kókshetaý memlekettik ýnıversıtetiniń stýdenti Valentına Shadrına.
Valentına Shadrına memleket tarapynan qolǵa alynǵan baǵdarlamalardyń ıgiligin kórgenderdiń bir parasy ǵana. Oqý granttaryn bólip, startap jobalardy qarjylandyrý túrli mamandyq ıgerýshi bilimpaz jastar úshin taptyrmas múmkindik. Al, suranysqa ıe ári básekege qabiletti urpaq el ıgiligine qyzmet etedi.
– Ýnıversıette qazirgi kúni 2 jarym myńnan astam stýdent grant arqyly tegin bilim alady. Onyń 224 – i Aqmola oblysy ákimi grantynyń ıegerleri. Gran ıegerleriniń sany da jyl sanap artýda. Pedagogıkalyq jáne medısınalyq mamandyqtarǵa basymdyq beriledi. Budan bólek, oblys ákimi men aýdan ákimderiniń ataýly shákirtaqylary bar. Aldaǵy jyly qosymsha granttar bólinedi degen úmittemiz. О́ńirde psıhologııa, ekologııa jáne týrızm salalarynda mamandar tapshy. Memlekettik qoldaýdyń arqasynda bul máselelerdi sheshýge bolady,–deıdi Sh. Ýálıhanov atyndaǵy kókshetaý memlekettik ýnıversıtetiniń rektory Marat Syrlybaev.
Jastar jylyna oraı qashyqtyqtan oqytýdy damytýǵa arnalǵan 50 - den astam erekshe oqý baǵdarlamalary júıeli júzege asý ústinde. Aldaǵy jyly qashyqtyqtan oqytý tehnologııalaryn qoldanatyn bólim ashý josparlanyp otyr. Beıne-onlaın oqý kýrstary ázirlený ústinde. Ǵylymǵa da jiti kóńil bólinedi. Osymen úshinshi jyl oqý ordasynda startaptardy qoldaýǵa 10 mıllıonǵa jýyq qarajat qarastyrylyp keledi.
Baıqal BAIÁDIL,
«Egemen Qazaqstan»
Aqmola oblysy
