О́KM Operatoryna kólikterdi aqshaǵa jáne sertıfıkat berý baǵdarlamasy boıynsha qabyldaýǵa bıyl 50 myń kvota bóldi. Sonyń 25 myńy jeńildik sertıfıkaty baǵdarlamasyna bólinse, qalǵan 25 myńy aqshalaı ótemaqy baǵdarlamasyna qarastyrylyp otyr. Sonymen qatar júk kólikterine beriletin sertıfıkat quny bıyl ulǵaıtyldy. Byltyr onyń quny 450-650 myń teńge bolsa, osy jyldan bastap onyń kólemi 550-den 750 myń teńgege deıin kóterildi. Al jeńil avtokólik sertıfıkatynyń quny baıaǵy 315 teńge qalpynda qaldy.
Eski kólikterdi qabyldaý baǵdarlamasy 20-shy aqpanynan bastap jalǵasyn tabady.
Baǵdarlama talaby boıynsha joıýǵa tapsyrylatyn kólikter tolyq jıyntyqta qabyldanady. Eski tehnıkany ótkizýshige jeńildik sertıfıkaty beriledi. Otandyq avtoóndirýshiden kólik satyp alǵan kezde sertıfıkat somasy kólik baǵasynan shegerilip qalady. Jeńildik sertıfıkattyń quny tapsyrlatyn kólik quralynyń sanatyna baılanysty baǵalanady. Baǵdarlama boıynsha otandyq óndirýshiden kez kelgen sanattaǵy kólik quralyn sertıfıkat arqyly alýǵa bolady. Jáne de avtokólik satyp alǵanda 2 sertıfıkatty biriktirý múmkindigi qarastyrylǵan. Jeńildik sertıfıkaty ataýly jáne ony ózgeniń atyna tirkeý eki retten artyq júrgizilmeıdi. Sondaı-aq ony qaıtaryp berýge nemese qolma qol aqshaǵa aýystyrylmaıdy. Sertıfıkat tirkelgen kúnnen bastap 12 aıǵa jaramdy.
Jeńildik sertıfıkat baǵdarlamasy boıynsha qandaı kólik satyp alýǵa bolatyndyǵy týraly málimetti avtoóndirýshilerdiń resmı saıtynan («BIPEK AVTO» www.bipek.kz, www.aziaavto.kz. www.sap.com.kz, www.hyundai-hta.kz, www.daewoobus.kz, www.kamazkamaz.kz) kórýge bolady.
Esterińizge salamyz, jeńildik sertıfıkaty baǵadarlamasy Qazaqstanda 2017 jyldyń 26 maýsymynda iske qosylǵan bolatyn. Osy aralyqta qazaqstandyqtar atalǵan baǵdarlama boıynsha 20 939 kóligin sertıfıkatqa almastyrdy. Sondaı-aq, satyp alý baǵdarlamasy boıynsha 67 052 jeńil kólik qabyldandy. Eski kóligen tapsyrǵan qazaqstandyqtarǵa 10 mlrd 48 mln teńge kóleminde qarajat aýdaryldy. Qos baǵdarlamanyń qorytyndysy boıynsha О́KM Operatory 88 myńǵa jýyq eski kólik qabyldady.
Aıta ketý kerek, eski kólikterdi joıýǵa qabyldaý baǵdarlamasy otandyq avtoparkti jańartyp, ekologııalyq kólik quraldarynyń óndirisin yntalandyrý jáne qaıta óńdeý salasyn damytýǵa múmkindik beredi.
