«Elimniń aıbyny bolǵym keledi»

Juma, 4 mamyr 2012 8:26

Aksııaǵa qatysqan ár jastyń júregine osyndaı oı uıalady

Respýblıkalyq «Bolashaq búginnen bastalady» aksııa­sy­nyń aıasynda qyzyqty is-sha­ra­lar jalǵasyn taýyp otyr. Ja­qynda Qostanaı qalasynda «Men áskerge shaqyryldym» sharasy ótti. Oǵan oblys orta­ly­ǵyndaǵy mektepterdiń jo­ǵa­ry synyp oqýshylary men kolledjder stýdentteri, áske­rı-patrıottyq klýbtar múshe­leri qatysty.

Juma, 4 mamyr 2012 8:26

Aksııaǵa qatysqan ár jastyń júregine osyndaı oı uıalady

Respýblıkalyq «Bolashaq búginnen bastalady» aksııa­sy­nyń aıasynda qyzyqty is-sha­ra­lar jalǵasyn taýyp otyr. Ja­qynda Qostanaı qalasynda «Men áskerge shaqyryldym» sharasy ótti. Oǵan oblys orta­ly­ǵyndaǵy mektepterdiń jo­ǵa­ry synyp oqýshylary men kolledjder stýdentteri, áske­rı-patrıottyq klýbtar múshe­leri qatysty.

Jastar aldymen Qostanaı qalalyq qorǵanys isteri jó­nin­degi basqarmasynda bolyp, onyń jumysymen tanysty. Bas­qarma bastyǵy О́rken О́tebasov olarǵa jastardy áskerge shaqyrý naý­qa­nyndaǵy jumystar jóninde aıtyp berdi. Ol shart jasasý men salaǵa engiziletin tyń jańalyqtardy da ortaǵa saldy.

Ásker qataryna kóktemgi sha­­qyrý jumystary sáýir aı­yn­da bastaldy. Bıyl Aqtaý qa­lasyndaǵy elimizdiń áskerı te­ńiz flotyna oblystan alǵash ret 25 jaýynger atta­ndy­ryl­dy. Buryn Qostanaı óńirinen qorǵanys salasyndaǵy mundaı baǵytqa suranys az bolatyn. Oblysta áskerı mamandyqqa jastardy baýlý jumystary da jemisti júrgizilip keledi. Sha­raǵa jınalǵan jastardyń ás­ke­rı joǵary oqý oryndaryna tú­sý úshin qandaı talaptar qoıy­la­tyndyǵy týraly saýalda­ry­na da mamandar jaýap berdi.

Jastar osy kezdesýde III dárejeli «Aıbyn» ordeniniń ıegeri Samat Turmaǵanbetovpen erkin áńgimelesti. Búginde Qos­ta­naı qalalyq qorǵanys isteri jónindegi basqarma kelisim-shart­pen qyzmet etetin áskerı qyz­metkerlerdi jınaý bóli­mi­niń bastyǵy laýazymyndaǵy S.Turmaǵanbetovti áriptesteri eldiń naǵyz patrıoty dep biledi. Ol da búgingi jastardaı Otan aldyndaǵy áskerı bory­shyn óteýge Qostanaı aýdany­nan at­tanǵan bolatyn. Qap­sha­ǵaı qa­lasyndaǵy áskerı bólim­shedegi ınjenerlik saper brıgadasynda alty aı daıyndyqtan ótti. Bilikti mamandy Qaraǵandy obly­synyń Balqash qalasyndaǵy ar­tıllerııalyq qoımadan órt shyq­qanda oq-dárilerdi zalal­syz­dandyrý úshin jedel sonda jiberildi.

– 2001 jyly sol jerdegi qoımada órt shyǵyp, oq-dáriler jaryldy. Ot tıip úlgermegen oq-dárilerdi biz zalalsyzdan­dyr­dyq, – dedi S.Turmaǵan­be­tov bolashaq sarbazdardyń aldynda. Sol joly ol myńnan astam oqty jarylýǵa jetkizbeı jyldamdyqpen zalalsyzdandy­ryp úlgergen edi. Onyń toby órtenip jatqan qyzyl ottyń ishinde erjúrektik tanytty. Muny Samat erlik emes, Otan aldyndaǵy paryzymyz dep biledi. Erlik isi memlekettik nagradamen atalyp ótken sarbazǵa sol joly ásker qatarynda qa­lyp, kelisim-shart boıynsha qyz­met isteý usynyldy. Ol bú­gingi kúni áskerı qyzmette ta­bysty eńbek etip keledi.

Jastar №6697 áskerı bó­lim­shesine kelip, sarbazdar ómi­ri­men tanysty. Olar kınologtar úıretken ıttermen júrgi­zi­letin jumystardy tamashalady. Sondaı-aq, bolashaq sarbazdar áskerı bólimshedegi búgingi qol­danystaǵy áskerı tehnıkalar men qarý-jaraq túrlerimen ta­nys­ty. Olardyń nazaryna túr­li qorǵanys kórinisteri usy­nyldy.

Sharaǵa qatysqan avtomobıl joldary kolledjiniń stýdenti Zákir Saıdýllaev – qa­ladaǵy «Qaısar» áskerı-pat­rıot­tyq klýbynyń belsendi mú­shesi. Ol oqýyn bitirgen soń, Otan aldyndaǵy áskerı bo­ry­shyn ótep, odan ári áskerı qyzmetker bolýdy armandaıdy.

– Men búgin kóńilime kóp nárse túıdim. Biz sarbazdardyń paradqa daıyndyǵyn da qara­dyq. Bizdiń klýb ta paradqa da­ıyn­dyq ústinde. Mundaı shara jas­tardyń arasynda jıi ótki­zilýi tıis. О́ıtkeni, jigitterdiń barlyǵy da otan aldyndaǵy áskerı boryshyn óteýge qazir­den daıyn bolýy kerek, – deıdi Z.Seıdýllaev.

«Bolashaq búginnen basta­la­dy» aksııasy munymen shektelip qalǵan joq, onyń sheńbe­rinde Qostanaı qalasynyń irgesindegi Zatobol kentindegi stadıonda úlken sha­ra­ ótti. Stadıonda Qosta­naı­dyń «Tobyl» fýtbol koman­dasy men qyzyl­or­dalyq «Qaı­sar» kezdesken bolatyn.

– Uly Otan soǵysy ardagerlerin máńgi este ustaý kerektigin stadıonǵa jınalǵan jan­kúıer­ler men sportshylardyń esine salǵymyz keldi. О́ıtkeni, olar istegen erlik eshqashan umyty­lýǵa tıis emes, – deıdi osy sha­rany uıymdastyrǵan balalar men jastar uıymdary qaýym­das­tyǵynyń tóraıymy G.Qape­nova.

Názıra JÁRIMBETOVA,

Qostanaı.