Sardarlardyń altyn uıasy
Senbi, 5 mamyr 2012 8:28
Búgingi tańda Ulttyq qorǵanys ýnıversıtetinde Qorǵanys mınıstrligi, Ulttyq qaýipsizdik komıtetiniń shekara qyzmeti, Ishki ister mınıstrliginiń ishki áskerleri, Respýblıkalyq Ulan sardarlary jáne Ujymdyq qaýipsizdik kelisim uıymyna kiretin Qyrǵyzstannan 7, Tájikstannan 11 ofıser bilim alýda. Ýnıversıtette tyńdaýshylarǵa barlyq qolaıly jaǵdaılar jasalǵan. Oqý zalyndaǵy kitap qorynyń ózi 57 myń danany quraıtyny, onda elektrondy kitaphana uıymdastyrylǵany ǵylymı áleýettiń jyl sanap qýattanyp kele jatqandyǵyn bildiredi.
Senbi, 5 mamyr 2012 8:28
Búgingi tańda Ulttyq qorǵanys ýnıversıtetinde Qorǵanys mınıstrligi, Ulttyq qaýipsizdik komıtetiniń shekara qyzmeti, Ishki ister mınıstrliginiń ishki áskerleri, Respýblıkalyq Ulan sardarlary jáne Ujymdyq qaýipsizdik kelisim uıymyna kiretin Qyrǵyzstannan 7, Tájikstannan 11 ofıser bilim alýda. Ýnıversıtette tyńdaýshylarǵa barlyq qolaıly jaǵdaılar jasalǵan. Oqý zalyndaǵy kitap qorynyń ózi 57 myń danany quraıtyny, onda elektrondy kitaphana uıymdastyrylǵany ǵylymı áleýettiń jyl sanap qýattanyp kele jatqandyǵyn bildiredi.
Bıylǵy jyldyń aqpan aıynda Ulttyq qorǵanys ýnıversıtetiniń qurylǵanyna 15 jyl toldy. Osy jyldar ishinde Ortalyq Azııadaǵy biregeı oqý ornynyń ujymy kóptegen aıtýly jetistikterge qol jetkizgeni anyq. Muny 34 ofıserimizdiń ýnıversıtetti úzdik baǵamen bitirgenimen dáleldeı alamyz. Osy jyldar aralyǵynda ýnıversıtetti bitirgen 9 adam general ataǵyn aldy. Kontr-admıral Jandarbek Januzaqov elimizdiń Áskerı-teńiz kúshteriniń Bas qolbasshysy, general-maıor Talǵat Qoıbaqov «Ońtústik» aımaqtyq áskerleriniń basqarýshysy, general-maıor Ashat Ryspaev QR Qurylyqtaǵy áskerler ınstıtýtynyń bastyǵy bolsa, Dáýlet Ospanov pen Erkin Botaqanov Aeroutqyr jáne Ishki áskerler bastyqtarynyń birinshi orynbasarlary qyzmetterin atqarýda. Sondaı-aq, ýnıversıtette ár jyldarda esimderi elge belgili general-leıtenanttar Baqytjan Ertaev, Bolat Janasaev, Abaı Tasbolatovtardyń basqarǵanyn aıta ketýge tıispiz. Bıyl I kýrsta Qazaqstannyń Halyq QaHarmany kapıtan Azamat Jumádilov oqyp jatyr.
2006 jyldan bastap halyqaralyq bilim berý standarttaryna sáıkes Ulttyq qorǵanys ýnıversıteti Qazaqstannyń áskerı bilim berý júıesinde alǵashqylardyń biri bolyp nesıelik bilim berý júıesine kóship, bilim berý baǵdarlamasyn jáne zertteý jumysyn tabysty ıgergen túlekterine «magıstr» akademııalyq dárejesin bere bastady.
2008 jyl Ulttyq qorǵanys ýnıversıteti úshin mańyzdy bolyp esepteledi, sebebi osy jyly Qazaqstan Respýblıkasy Bilim jáne ǵylym mınıstrliginiń sheshimimen ýnıversıtet janynan alǵash ret halyqaralyq dárejesi bar Doktorlyq dıssertasııalyq keńes quryldy. Onyń quramyna Ujymdyq Qaýipsizdik Uıymyna múshe úsh memlekettiń 18 ǵylym doktory engen. Sonymen Qazaqstan Respýblıkasy Qarýly Kúshteriniń, basqa da áskerleri men áskerı quramalarynyń áskerı qyzmetkerleri úshin ǵylym doktory jáne ǵylym kandıdaty ǵylymı dárejege ıe bolý úshin doktorlyq jáne kandıdattyq dıssertasııalardy qorǵaý múmkindigi týdy. Nátıjesinde, 2008-2010 jyldar aralyǵynda Ulttyq qorǵanys ýnıversıteti janyndaǵy Doktorlyq dıssertasııalyq keńeste 6 doktorlyq jáne 23 kandıdattyq dıssertasııalar tabysty qorǵaldy.
2011 jyldyń 1 qyrkúıegi – Bilim kúni – Qazaqstan Respýblıkasynyń Qorǵanys mınıstri Ádilbek Jaqsybekov saltanatty túrde áskerı jáne memlekettik basqarý fakýltetin, doktorantýrany jáne QR IIM Ishki áskerler fakýltetin ashty. Sóıtip, Ortalyq Azııa aýmaǵynda joǵarydan keıingi kásibı áskerı bilim berý baǵdarlamasy boıynsha magıstratýrada jáne doktorantýrada áskerı, ǵylymı jáne pedagogıkalyq kadrlardy daıyndaıtyn birden-bir áskerı oqý ornynyń jańa tarıhı beti ashyldy.
Dastan KENJALIN,
Aqmola oblysy,
Býrabaı kenti.
