Qazaqstan • 19 Aqpan, 2019

Ishki ister mınıstri E. Turǵymbaev batyr balamen kezdesti

374 retkórsetildi

Ishki ister mınıstri Erlan Turǵymbaev óz ómirine qaýipti bolǵanyna qaramastan tereńdigi eki metrden asatyn qudyqtan bes jastaǵy balany qutqaryp alǵan 10 synyp oqýshysy Nadır Omarǵazıevpen kezdesti dep habarlaıdy IIM Baspasóz qyzmeti.

Bes jasar bala Astana qalasynda anasymen kóshede kele jatqanda qudyqqa túsip ketken. Osy kezde Nadır dosymen birge kolledjden kele jatqan bolatyn. Jylap jatqan eki áıeldi kórip, olarǵa kelip, ne bolǵanyn bildi. Sodan soń ol birden sheshim qabyldap, qudyqqa túsýge umtyldy, onyń ishine qulap ketýi de múmkin edi.

Erlan Turǵymbaev Tótenshe jaǵdaılar jónindegi komıtettiń jeke quramynyń qatysqan jıynda mektep oqýshysyn kórsetken qyraǵylyǵy, batyrlyǵy jáne qaısarlyǵy úshin alǵysyn bildirdi, onyń jedel de batyl is-qımylynyń arqasynda bala ómiri ajaldan qutqaryldy.

Osyndaı balalardyń erlik áreketteri men ózgege degen janashyrlyq sezimi qurmetteýge turarlyq. bireýdiń ómirine arasha turý úshin kez kelgen adam táýekelge bara almaıdy dep atap ótti mınıstr. Budan soń mektep oqýshysyna «Tótenshe jaǵdaıdaǵy erligi úshin» tós belgisin taǵyp, smartfon syılady.

Sonymen qatar E. Turǵymbaev Nadır Omarǵazıevke tárbıe bergen ata-anasyna, ustazdary men tálimgerlerine alǵys bildirdi. Ol batyl bala tárbıelep ósirgeni úshin ata-anasyn alǵys hatpen marapattap, Qazaqstanda osyndaı er júrek balalar kóp bolsa, elimizdiń bolashaǵyna aǵa urpaqtyń alańdamaýyna bolatynyn atap ótti.

Sóz sońynda Ishki ister mınıstri Nadırdiń bolashaqta qutqarý mamandyǵyn tańdaıtynyna senimdi ekendigin bildirdi, óıtkeni qaısarlyq pen kómekke daıyn bolý órt sóndirýshi men qutqarýshynyń eń basty qasıetteriniń biri. Sonymen qatar Ishki ister mınıstri batyr balany IIM-niń joǵary oqý oryndaryna oqýǵa shaqyrdy.

Banner
Sońǵy jańalyqtar

Hat qorjyn (23.09.2019)

Qoǵam • Keshe

Qostanaı qysta tońbaıdy

Aımaqtar • Keshe

«Mal da joq, qaıyr da joq»

Qazaqstan • Keshe

Halhyn-gol shaıqasynyń qaharmany

Rýhanııat • Keshe

Aqyn toıyna daıyndyq qalaı?

Rýhanııat • Keshe

Uqsas jańalyqtar