Jol jóndeýge otandyq materıaldar paıdalanylady

– Adyrbekov kóshesindegi qurylys jumystary 5 kezeńge bólinip jobalanǵan. Jol qu­rylysyna jaýapty merdiger – «Kaz Construction» JShS. Eki baǵyttaǵy kósheni jańartý barysynda joldyń eki shetine jaıaý júrginshilerge arnalǵan jol salynady, abattandyrylady. Adyrbekov kóshesi arqyly bú­ginde táýligine 13450 kólik óte­di, keptelis jıi bolady. Qaı­ta qurý jumystarynan keıin 4 jo­laqty jol salynyp, bul kólik qozǵalysyna da ońtaıly bolmaq, – deıdi qalalyq jolaýshylar kóligi jáne avtomobıl joldary basqarmasynyń basshysy Qýatjan Jumataev.

Basqarma basshysynyń só­­­zine súıensek, Adyrbekov kóshesin keńeıtý barysynda memleket muqtajdyǵy úshin 65 jer telimi memleket menshigine qaıtarylmaq.

Merdiger mekeme jergilikti bılik tarapynan jer men kom­mýnaldyq suraqtar tez sheshimin tapsa, jol qurylysyn jyldamdatyp, erte aıaqtaýǵa kúsh salamyz, dep otyr. 

Jol qurylysynyń jobasymen tanysqan qala ákimi Ǵabı­d­olla Ábdirahymov ákimdik ta­rapynan bul máseleniń qolǵa alynatyndyǵyn aıtyp, mer­digerlerdi jumystyń sapasyna basa nazar aýdarýǵa shaqyrdy. Jol qurylysyna baılanys­ty qalalyq jer qatynastary jáne jerdiń paıdalanylýy men qorǵalýyn baqylaý, energetıka jáne kommýnaldyq sharýashylyq basqarmalaryna da tapsyrma berip, atalǵan kó­sheniń qaıta qurý jobasyna ve­losıped jolaǵyn qosýdy es­kertti.

О́z kezeginde merdiger meke­meniń ókili jol jóndeý ju­mys­taryn ýaqtyly aıaqtaýǵa ýáde berdi.

Byltyr ǵana qubyrlary jón­­delgen Baıtursynuly kóshe­sin aralap kórgen shahar basshysy ondaǵy bastapqy úlgilermen tanysyp, trotýar dızaınyna tańdaý jasady. Ákim atalǵan kóshege tek otandyq qurylys ónim­derin paıdalanýdy tapsyr­dy.

Nurshat TО́KEN,

«Egemen Qazaqstan»

ShYMKENT