Qala basshysy sońǵy eki apta ishinde 600-den astam anamen ondaǵan kezdesý ótkenin atap ótti.
«Júzdegen ótinishter saralandy, eń ótkir máseleler - turǵyn úı, kommýnaldyq qyzmet tólemi, oqý men jumysqa ornalasý. Barlyq ótinishter, ataýly áleýmettik kómek ádisiniń ózgerisin qosa Úkimet janyndaǵy jumys tobyna jiberildi. Ákimdik deńgeıinde de qozǵaýshy kúshter men resýrstar bar, sondyqtan biz birqatar keshendi sharalardy jasadyq», dedi ákim.
Sonymen qatar Baýyrjan Baıbek kópbalaly nemese muqtaj otbasylardyń balalaryn balabaqshaǵa tegin aparýǵa múmkindigi bolatynyn aıtty.
«О́zderińiz bilesizder, ata-analar balabaqshadaǵy balanyń tamaǵy úshin 18 myń teńge ǵana tóleıdi, qalǵan 27 myń teńgeni memleket sýbsıdııalaýda. Tek ótken jyly memlekettik tapsyrys boıynsha bala baqshadaǵy 51 myń orynǵa 16 mlrd teńge bólindi. Bıyl bul soma 1,8 mıllıardqa artty. Eger kópbalaly turmysy tómen otbasynyń eki jáne odan da kóp balasy balabaqshaǵa baratyn bolsa, onda otbasylyq bıýdjet júktemesi de joǵary bolady. Sondyqtan «Baqytty otbasy» baǵdarlamasy aıasynda turmysy tómen otbasylardyń ekinshi balasynan bastap balabaqsha tegin bolady», dedi Baýyrjan Baıbek.
Qazirgi kezde turmysy tómen otbasylardaǵy 14 myńnan astam balaǵa mektepterde ystyq taǵam beriledi. 3475 bala mektep formasymen qamtylǵan, 2333 balaǵa qarjylaı kómek kórsetiledi, 1050 balaǵa jazǵy lagerlerge joldama berildi.
