350 myń aýyl turǵynyn qamtıdy
Sársenbi, 23 mamyr 2012 7:36
Oral óńirindegi sanavıasııa qyzmetiniń múmkindigi osyndaı
Respýblıka turǵyndaryna kórsetiletin eń qymbat medısınalyq qyzmet túriniń biri – sanavıasııa. Egemen elimizdiń basty kapıtaly men basty baılyǵy – adamdar. Sondyqtan sanavıasııa qyzmeti qanshama qymbat tursa da, onyń esebinen respýblıkada qarjy únemdep qalý máselesi qoıylǵan emes. Bul qyzmetti shuǵyl jandandyrý, jan-jaqty óristetý máselesi Elbasynyń ótken jylǵy Qazaqstan halqyna Joldaýyna arqaý boldy.
Sársenbi, 23 mamyr 2012 7:36
Oral óńirindegi sanavıasııa qyzmetiniń múmkindigi osyndaı
Respýblıka turǵyndaryna kórsetiletin eń qymbat medısınalyq qyzmet túriniń biri – sanavıasııa. Egemen elimizdiń basty kapıtaly men basty baılyǵy – adamdar. Sondyqtan sanavıasııa qyzmeti qanshama qymbat tursa da, onyń esebinen respýblıkada qarjy únemdep qalý máselesi qoıylǵan emes. Bul qyzmetti shuǵyl jandandyrý, jan-jaqty óristetý máselesi Elbasynyń ótken jylǵy Qazaqstan halqyna Joldaýyna arqaý boldy.
Árıne respýblıka Prezıdenti Nursultan Nazarbaev bul máseleni tekten tek qoımaǵany kámil. Bulaı bolatyn sebebi keshegi ótpeli kezeńde eldiń kóptegen aımaqtarynda sanıtarlyq avıasııa óz qyzmetin toqtatty. О́ıtkeni, oǵan sol jyldardaǵy bıýdjet qarajatynyń tapshylyǵy salqynyn tıgizdi. Osyndaı kúrdeli kezeńniń ózinde Jaıyqtyń boıyn jaılaǵan qalyń el sanavıasııa qyzmetin úzdiksiz , irkilissiz paıdalanyp keldi. Tipti oǵan osydan tórt jyl burynǵy jahandyq qarjylyq daǵdarys ta áser ete almapty.
Bastaýyn sonaý 1956 jyldan alatyn Batys Qazaqstan oblystyq klınıkalyq aýrýhanasy bazasynda qurylǵan sanavıasııa qyzmeti sodan beri shalǵaı aýdandarǵa ushaqpen jetip shuǵyl jedel járdem kórsetý júıesin saqtap qaldy. Sonymen birge, osy júıeni únemi damytý, jetildirý joldary jalǵasyp keledi. Bıýdjettiń búıiri qabysqan keshegi kúrdeli kezeńniń ózinde ony ustap turýǵa qajetti qarajat udaıy bólinip kelgeni atap aıtýǵa turarlyq másele.
Osy arqyly oblysta ólim-jitim deńgeıin ájeptáýir tómendetýge, qysyltaıań shaqtarda ana men bala ómirin saqtap qalýǵa múmkindikter týdy. Oral óńiriniń eń shalǵaı eldi mekenderi oblys ortalyǵynan 650 shaqyrym qashyqtyqta ornalasqan sanavıasııanyń qajettiligi de osynda. Qala mańyn esepke almaǵanda oblystyń shalǵaı aýdandarynda 350 myńnan astam adam turady. Olardyń bári atalǵan aıryqsha medısınalyq qyzmet túrlerimen qamtylyp keledi. Osy qyzmet aıasynda shuǵyl medısınalyq kómek suraǵan shaqyrýlar boıynsha ushaqtar aspanǵa kóteriledi. Osy arqyly jyl saıyn aýyr jaǵdaıdaǵy 500 adamdy ajaldan arashalap qalǵan sanıtarlyq avıasııa quramyndaǵy dárigerlerdiń eńbegi eren dedi Batys Qazaqstan oblystyq densaýlyq saqtaý basqarmasynyń bastyǵy Hamıdolla Irmenov.
Aqjaıyq atyrabyndaǵy sanavıasııa qyzmetiniń óz tarıhy men dástúri jáne qalyptasý kezeńi bar. Aıtalyq munda 1956 jyldan 1960 jylǵa deıin tıisti shaqyrýlarǵa densaýlyq saqshylary teplohotpen jáne parovozben jetkizilgen. Keıinnen buǵan Ý-2 jáne AN-10 ushaqtary qoldanyla bastaǵan. Qazirgi ýaqytta oblystyq aýrýhana janyndaǵy sanavıasııa bólimshesi «SKAT» avıakompanııasymen jasalǵan kelisim-sharttarǵa sáıkes AN-2 ushaqtaryn paıdalanady.
Sanavıasııaǵa keshendi medısınalyq qyzmet aýqymyna tán. Iаǵnı, munyń ózi tek bir ǵana ushaqtardan turmaıdy. Sonymen birge, onyń quramyndaǵy ÝAZ avtokólikteri men «Folsvagen» markasyndaǵy reanomobılder joǵary mamandandyrylǵan jedel járdem mártebesin kótere túsedi. Onyń biri dúnıege jańa kelgen sábılerdi tasymaldaýǵa arnalǵan. Osynda ornatylǵan júrekke dem beretin jáne tynys alýdy retteıtin zamanaýı qondyrǵylar arqyly jol ústinde kele jatyp ta em jasaı berýge bolady. Ushaqpen shalǵaı núktelerge jetken aq halatty abzal jandardyń aýdandyq aýrýhanalar jaǵdaıynda jasalǵan otalary da sátti shyǵyp júr.
Búgingi qazaqstandyq densaýlyq saqtaý júıesiniń aldynda turǵan basty mindetteriniń biri – ana men bala ólimin boldyrmaý. Mundaı jaǵdaı oryn alǵannyń ózinde onyń deńgeıin múldem tómendetý bolyp otyr. Bul asa jaýapty máselege batysqazaqstandyq sanavıasııa qyzmetkerleri de Gıppokrat antyn ustana otyryp úlken jaýapkershilikpen qaraıdy.
Aıtalyq oblystyq klınıkalyq aýrýhana janyndaǵy sanavıasııa bólimshesiniń meńgerýshisi Ǵalymjan Myrzaǵalıevtiń málimdeýinshe sońǵy kúnderi ushaqpen shalǵaıdaǵy Bókeı ordasy aýdanynan aýyr jaǵdaıdaǵy analar Oral qalasyna jetkizilgen. Olardyń birine túsik tastaý qaýpi bar jáne ekinshisine eklempsııa ıaǵnı júktiliktiń sońǵy kezeńinde aǵzanyń kúrdeli jaǵdaıǵa tap bolýy, álsireýi degen dıagnozdar qoıylǵan. Búginde olardyń qaı-qaısynyń da beti beri qaraǵany oblystaǵy sanavıasııa qyzmetiniń sapalyq bıik deńgeıinen habar bere alady.
Temir QUSAIYN,
«Egemen Qazaqstan».
Batys Qazaqstan oblysy.
