–2018 jyly «Nur Otan» partııasy «English for jastar» jobasyn iske qosyp, elimizdiń túkpir-túkpirindegi 7 myńǵa jýyq oqýshyny aǵylshyn tiline baýlý týraly bastamany júzege asyrdy. Joba bıylǵy jyly da jalǵasatyn bolady. Oblystyń 5 aýdanyna aǵylshyn tilin oqytýǵa 13 erikti iriktelip alyndy. Eriktiler eki kezeńge sozylǵan baqylaý synaǵynan ótip, óz biliktilikterin tarazy basyna tartty. Bul joba tek qana oqýshylardyń til bilý deńgeıin kóterip qoımaı, erikti jastardyń da bolashaq mamandyǵyna degen jaýapkershligin arttyrýǵa septigin tıgizip otyr.
О́tken jyly dál osy baǵytta 12 erikti iriktelip alynyp, eki aı boıy óńirdiń 6 aýdanynan 600-ge jýyq oqýshyǵa til úıretý kýrstaryn júrgizgen bolatyn. Atalmysh kýrstyń ereksheligi – eriktiler kýrsty dástúrli túrde júrgizbeı, debat oıyny, sahnalyq qoıylymdar, erkin pikir almasý, oıyn túrinde ótkizedi. Mundaı ádister mektep jasyndaǵy balalardyń qyzyǵýshylyǵyn týǵyzyp ǵana qoımaı, til úırenýge degen ynta-jigerin arttyrady.
–Aýyldyq okrýgterdegi jastardyń til úırenýine múmkindik berý maqsatynda júzege asyrylyp jatqan bul joba byltyr óz jemisin berdi. Eki aı az ýaqyt bolsa da, oqýshylar ári qaraı izdenýge yntalandyryldy. Ári balalardyń sabaqtan bos ýaqyttaryn tıimdi paıdalanýyna taptyrmas múmkindik. Sebebi kýrs ótkizý formaty da kúndeliktiden erekshe. Bul joba tek oqýshylarǵa ǵana emes, tájirıbeden ótip jatqan eriktilerge de biliktilikterin arttyrýǵa zor kómek,–deıdi oblystyq "jas otan" jastar qanatynyń tóraǵasy Sultanbek Bekeshev.
Úsh tuǵyrly til – azamattardyń búgingi kún men keleshek qoǵamda ornyqty qalyptasýynyń basty faktorlarynyń biri. «English for jastar» jobasy shalǵaı eldimekenderde ornalasqan aýyl jastaryna jasalyp jatqan biregeı múmkindik.
Baıqal BAIÁDIL,
«Egemen Qazaqstan»
Aqmola oblysy
