Ázerbaıjan Respýblıkasy Mádenıet jáne týrızm mınıstriniń orynbasary Sevda MÁMEDÁLIEVA: Kórgenim oılaǵanymnan da asyp tústi
Juma, 8 maýsym 2012 7:42
El isine qatysyp, memlekettik jaýapty qyzmetterde júrgenime, sheteldik saparlarǵa shyǵa bastaǵanyma talaı jyl bolsa da Qazaqstanǵa esh jolym túspeı júrgen edi. Ázerbaıjan mádenıetiniń Qazaqstandaǵy kúnderi arqasynda Astanany alǵash ret kórý múmkindigine ıe boldym. «Júz ret estigennen bir ret kórgen artyq» degen sóz ras. Qaı elge barǵanda da sol jerden kórermin degenińdi oısha eksheısiń, keıde kórgeniń oılaǵanyńnyń óresinen tabylmaı jatatyny da bolady. Biz eldiń tuńǵysh Prezıdenti Nursultan Ábishuly Nazarbaevtyń bastamasymen, basshylyǵymen jańa astana salynǵanyn, ondaǵy sáýlet óneriniń deńgeıi joǵary ekenin jaqsy bilemiz. Áıtse de osynda kelgeli beri meniń kórgenim oılaǵanymnan da asyp tústi.
Juma, 8 maýsym 2012 7:42
El isine qatysyp, memlekettik jaýapty qyzmetterde júrgenime, sheteldik saparlarǵa shyǵa bastaǵanyma talaı jyl bolsa da Qazaqstanǵa esh jolym túspeı júrgen edi. Ázerbaıjan mádenıetiniń Qazaqstandaǵy kúnderi arqasynda Astanany alǵash ret kórý múmkindigine ıe boldym. «Júz ret estigennen bir ret kórgen artyq» degen sóz ras. Qaı elge barǵanda da sol jerden kórermin degenińdi oısha eksheısiń, keıde kórgeniń oılaǵanyńnyń óresinen tabylmaı jatatyny da bolady. Biz eldiń tuńǵysh Prezıdenti Nursultan Ábishuly Nazarbaevtyń bastamasymen, basshylyǵymen jańa astana salynǵanyn, ondaǵy sáýlet óneriniń deńgeıi joǵary ekenin jaqsy bilemiz. Áıtse de osynda kelgeli beri meniń kórgenim oılaǵanymnan da asyp tústi.
Astana naǵyz osy zamannyń qalasy, onyń josparlanýy, turǵyzylýy, sáýletiniń ereksheligi qazaq halqynyń, barsha qazaqstandyqtardyń zańdy maqtanyshy. Búkil túrki álemi qurmet tutatyn Qazaqstan Prezıdenti Nursultan Nazarbaevtyń bul jobasy – jasampazdyq joba. Qazaqstandy jıyrma birinshi ǵasyrdaǵy adamzat órkenıetiniń aldyńǵy shebine alyp shyǵatyn iri is. Biz Tuńǵysh Prezıdenttiń mýzeıinde Nursultan Nazarbaevtyń ónegeli ómir jolymen tanysyp, táýelsiz memleket qurýdyń jaı-japsarynan jan-jaqty habardar boldyq. Qazirgi tańda Qazaqstannyń álem aldynda abyroıy asqaqtap turǵanynda el basshysynyń eńbegi erekshe ekenin naqty sezine tústik. Astana jurtshylyǵynyń ókilderimen sóıleskenińizde olardyń otanshyldyǵy, erteńgi kúnge senimi razy etpeı qoımaıdy. Bul memlekettiń kelesheginiń kemeldiginiń dáleli.
Nursultan Ábishulynyń Ázerbaıjannyń basshylyǵymen qaı kezde de jaqsy qarym-qatynas jasap, ata-babalarymyzdan aýysqan dostyq dástúrin jemisti jalǵastyryp kele jatqany belgili. Biz qazaq baýyrlarymyzdyń janashyrlyǵyn buryn da talaı sezingenbiz. Baký aspanyna bult úıirilip, keshegi keńestik kezeńniń zorlyǵy batqan tusta ataqty qazaq aqyny Oljas Súleımenovtiń, ózi ystyǵy kóterilip, qatty aýyryp turǵanyna qaramastan, Bakýge ushyp kelgenin, halyqtyń jigerin kóteretin jalyndy sóz sóılegenin biz eshqashan umytpaımyz. Biz Keńes odaǵyndaǵy ámirshil-ákimshil júıege alǵash qarsy shyqqan, ulttyq namys týyn aldymen jelbiretken qazaq jastary, bizdiń baýyrlarymyz bolǵanyn da maqtan etemiz.
Ázerbaıjan mádenıetiniń Qazaqstandaǵy kúnderi sııaqty ıgilikti is-sharalar aldaǵy kezde de júıeli uıymdastyrylyp turýǵa tıis. Osy kúnderde ózimniń áriptesim – Qazaqstan Respýblıkasy Mádenıet jáne aqparat mınıstrliginiń jaýapty hatshysy Janna Qurmanǵalıevamen, Prezıdent Ákimshiligi Ishki saıasat bólimi meńgerýshisiniń orynbasary Álibek Asqarovpen, «Egemen Qazaqstan» gazetiniń prezıdenti Saýytbek Abdrahmanovpen, Túrki akademııasynyń prezıdenti Shákir Ybyraevpen pikirleskenimde mádenı baılanystardyń kókjıegi keńeıe túsetinine kózim jetti.
Bir Kaspııdiń eki betin jaılaǵan qos halyqtyń ǵasyrlar boıǵy dostyǵy baıandy jalǵas tabýyn tileımiz.
