Bilim • 21 Aqpan, 2019

SDÝ memlekettik sektormen strategııalyq seriktestikti nyǵaıtýda

479 ret kórsetildi

Bilim berý men gýmanıtarlyq qarym-qatynastardy nyǵaıtý maqsatynda Meıirbek Majıtovtyń basshylyǵymen  SDÝ delegasııasy Almaty oblysy ákimdigine qyzmettik issaparmen baryp qaıtty. Almaty oblysy ákimdiginiń Open Jetisy jobalyq keńsesinde delegasııa ókilderi QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Almaty oblysy boıynsha Departamentiniń basshysy Serikbaı Nurǵısaevpen, Almaty oblysy ákiminiń áleýmettik ister boıynsha orynbasary Aqan Ábdýalıevpen, sonymen qatar oblystyq Bilim basqarmasy basshysymen, jergilikti  Qarjy jáne bıýdjetti josparlaý vedomstvosynyń jetekshisimen kezdesti. Taraptar bilim berý salasynyń ózekti máselelerin ortaǵa salyp jáne atalmysh salany damytý boıynsha ortaq seriktestik ornatý suraqtaryn keńinen talqylady. 

SDÝ prezıdenti Meıirbek Majıtov kezdesý qatysýshylaryna ýnıversıtetti transformasııalaý aıasyndaǵy júrgizilip otyrǵan  josparly jumys týraly baıandap jáne onyń negizgi baǵyty – memlekettik, korporatıvtik jáne úkimettik emes uıymdarmen qyzmettik qarym-qatynasty nyǵaıtýdy jolǵa qoıýdyń zor mańyzdylyǵyn atap ótti.  Sonymen qatar bilim ordasynyń  basshysy memlekettik qyzmet ókilderimen ótkizilip otyrǵan ortaq ashyq alańnyń tıimdiligin joǵary baǵalap, ýnıversıtette beriletin  qyzmet túrlerine toqtaldy. Atap aıtqanda, is-shara qatysýshylaryna SDÝ bazasyndaǵy jazdyq balalar lageri, úzdiksiz bilim berý ortalyǵynyń qyzmet túrleri, mektep oqytýshylaryna arnalǵan biliktilikti arttyrý baǵdarlamalary jáne naryqtyń talabyna saı joǵary sapaly mamandar daıarlaý týraly jan-jaqty málimet berildi. 

Kezdesý aıasynda Almaty oblysy ákimi atynan áleýmettik osal toptarǵa ýnıversıtettiń  pedagogıgalyq jáne ınjenerlik mamandyqtary boıynsha arnaıy bilim berý granttaryn bólý, oqý ornynyń bazasynda «Sanaly urpaq» jazǵy balalar lagerin ashý, orta mektep ustazdaryna arnalǵan oqý-jattyǵý semınarlary men sheberlik saǵattar toptamasyn júrgizý,  sonymen qatar mektep túlekterin UBT-ǵa ázirleý boıynsha kelisimge qol jetkizildi.

О́z kezeginde Almaty oblysy ákimdiginiń ókilderi men jergilikti QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń basshylyǵy atalmysh maqsattardy júzege asyrý boıynsha Sýleıman Demırel ýnıversıtetine ústimizdegi jyldyń naýryz aıynda kelýdi josparlap otyr.

 Eske sala ketsek, birer ýaqyt buryn SDÝ bazasynda «Sanaly urpaq» jobaly keńsesiniń tusaýy kesilip, QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Almaty oblystyq departmentimen eki jaqty  josparly jumystar bastalyp ketti.

Sońǵy jańalyqtar

Or ózenin ortaıtyp otyrǵan kimder?

Vıdeo • Búgin, 18:39

Shyǵysta jazýshy músini tuǵyrǵa qondy

Rýhanııat • Búgin, 17:37

Bas basylym tilshisi qurmetke bólendi

Oqıǵa • Búgin, 14:45

Alıment tólemegen áke qolǵa tústi

Aımaqtar • Búgin, 13:21

Almatyda Kók bazar jabylady

Aımaqtar • Búgin, 11:02

Demalys kúnderi aýa raıy qandaı bolady

Aýa raıy • Búgin, 11:00

Atyraýda jol apatynan 39 adam kóz jumdy

Aımaqtar • Búgin, 09:58

Uqsas jańalyqtar