Qazaqstandaǵy bala quqyqtary jónindegi ýákil, senator Sáýle Aıtpaeva jas jetkinshekke Alǵys hat tabystap, kitap syılady.
Senator jas batyrǵa Parlamenttiń jumysy týraly aıtyp, óziniń áriptesteri, Konstıtýsııalyq zańnama, sot júıesi jáne quqyq qorǵaý organdary komıtetiniń tóraǵasy Georgıı Kımdi, depýtattar Nurlan Beknazarov pen Vladımır Volkovty tanystyrdy. Olar da óz tarapynan Nádirge alǵys bildirip, onyń bolashaǵyna qatysty suraqtar qoıdy. S.Aıtpaeva Nádirdi «Balaǵa dos Azııa» atty halyqaralyq konferensııaǵa qatysýǵa shaqyrdy.
17 jasar Nádir Omarǵazıev kóp balaly otbasynan shyqqan. Ol 15 aqpan kúni Astanada qudyqqa abaısyzda túsip ketken bes jasar balanyń ómirin arashalap aldy.
