Is-sharanyń negizgi maqsaty - Úkimettiń Parlament qaraýyna usynǵan zańnamalyq qujattardyń negizgi tujyrymdamalyq aspektilerin talqylaý. Osy máselelerdi sheshý qazaqstandyq ishki naryqtyń durys jumys isteýine oń áser etýi kerek, - dedi jumys tobynyń jetekshisi, depýtat Ekaterına Nıkıtınskaıa.
Is-sharada Qarjy mınıstrligi Memlekettik kirister komıteti tóraǵasy orynbasarynyń m.a. Mádı Takıev, «Atameken» Ulttyq kásipkerler palatasynyń Basqarýshy dırektory, Zańnama departamentiniń dırektory Laýra Mersalımova ońaltý jáne bankrottyq rásimderdi jetildirý máselelerine qatysty baıandama jasady.
О́z kezeginde baıandama jasaǵan depýtat Ekaterına Nıkıtınskaıa zań jobasymen jumys barysynda ońaltý jáne bankrottyq rásimderdiń tıimdiligin arttyrýǵa baılanysty mindetterdiń sheshilý joldaryn usyndy. Atap aıtqanda, bankrottyq jáne ońaltý rásimderin qoldanýdyń ekonomıkalyq negizdemesin jasaý, bızneske arnalǵan ınvestısııalyq táýekelderdi tómendetý jáne jalpyǵa birdeı qabyldanǵan halyqaralyq standarttarǵa sáıkes ınvestısııalardyń saqtalýyn quqyqtyq qamtamasyz etý, sondaı-aq, naqty sektordy jyldam qalpyna keltirý múmkindigi sııaqty basqa da birqatar usynys aıtty.
Úkimet ońtaılandyrý jáne bankrottyq rásimderin jetildirý jónindegi zańnamalyq túzetýlerdiń jobasyn 2018 jyldyń sońynda Májilis qaraýyna usynǵan. Onyń negizgi baǵyttarynyń biri - ońaltý jáne bankrottyq rásimderin qoldaný negizderin jeńildetý. Otyrys barysynda depýtattar qasaqana jáne jalǵan bankrotqa ushyratyp, «Kredıtorlarǵa múliktik zııan keltirdi» dep biriktiretin zań jobasynyń erejelerine, sondaı-aq, qasaqan bankrottyq jasaıtyndar men onyń jaýapkerkishiligine qatysty máselelerge erekshe nazar aýdardy.
Is-shara qorytyndysy boıynsha otyrysqa jetekshilik etken Májilistiń Qarjy jáne bıýdjet komıtetiniń tóraıymy Gúljan Qaraǵusova talqylaý barysynda aıtylǵan usynystar jumys tobynda eskeriletindigin jetkizdi.
