Mınıstr Memleket basshysy Nursultan Nazarbaev halyqaralyq qarjy ınstıtýttarymen yntymaqtastyqqa úlken mán berip otyrǵanyn atap ótti. Syrtqy ister mınıstrliginiń ınvestısııalardy tartý jáne eksportty ilgeriletý jónindegi jańa fýnksııalaryn eskere otyryp, EQDB-men ózara is-qımyl kúsheıtiletin bolady.
Suhbattasýshylar jyl saıyn EQDB Prezıdenti Sýma Chakrabartı qatysatyn QR Prezıdenti janyndaǵy Sheteldik ınvestorlar keńesiniń jumysyn jáne onyń aldaǵy otyrysyn talqylady. Bank «Astana» Halyqaralyq qarjy ortalyǵyn qurýǵa qoldaý kórsetýde. Sondaı-aq, «Úlken Almaty aınalma avtokólik joly» jobasynyń sátti júzege asyrylýy jáne EQDB-nyń basqa da ınfraqurylymdyq jobalardy júzege asyrýǵa qosqan úlesi atap ótildi. Qazirgi tańda elimizdiń birqatar oblystarynda avtokólik joldaryn, sýsharýashylyq jáne gıdromelıoratıvti júıelerin qaıta jóndeýge baǵyttalǵan jalpy somasy 362,8 mln. AQSh dollaryn quraıtyn EQDB-niń jobalary iske asyrylýda.
EQDB - 1991 jyly qurylǵan halyqaralyq qarjy uıymy bolyp tabylady. Ortalyq Eýropadan Ortalyq Azııaǵa deıin, sondaı-aq Ońtústik jáne Shyǵys Jerorta teńizi elderinde jobalardy qarjylandyrady. Uıym basymdyqtarynyń qataryna memlekettik kepildikpen jáne memlekettik kepildiksiz nesıe berý arqyly qarjy sektoryn, shaǵyn jáne orta bıznesti qoldaý, úkimettik qaryzdar berý, memlekettik kepildikterge beriletin qaryzdar jáne memlekettik kepildikter joq ınfraqurylymdy damytý máseleleri kiredi.
Bank sondaı-aq tabıǵı resýrstar, baılanys jáne agroónerkásip kesheni sııaqty salalarda belsendi jumys jasaıdy.
Gúlbarshyn SABAEVA,
«Egemen Qazaqstan»
Almaty
