Qazaqstan • 21 Aqpan, 2019

Darıǵa Nazarbaeva Eýropalyq Odaqtyń Ortalyq Azııa jónindegi arnaıy ókilimen kezdesti

355 retkórsetildi

Senattyń Halyqaralyq qatynas, qorǵanys jáne qaýipsizdik komıtetiniń tóraǵasy Darıǵa Nazarbaeva Eýropalyq Odaqtyń Ortalyq Azııa jónindegi arnaıy ókili Peter Býrıandy qabyldady. Bul týraly Parlament Senatynyń baspasóz qyzmeti habarlady.

D.Nazarbaeva Eýropalyq Odaqpen yntymaqtastyq jasaý Qazaqstannyń syrtqy saıasatynyń strategııalyq baǵyttarynyń biri ekenin atap ótti. Sondaı-aq, Qazaqstan Parlamenti «Qazaqstan – Eýropalyq Odaq» parlamenttik yntymaqtastyq komıteti aıasyndaǵy Eýropa Parlamentimen odan ári syndarly únqatysýdy damytýǵa múdelli ekenin bildirdi.

Eýropalyq Odaqtyń Ortalyq Azııa jónindegi arnaıy ókili Qazaqstanmen yntymaqtastyqty sapaly jańa deńgeıge ilgeriletýge ázir ekenin aıtty.

Taraptar saýda-ekonomıkalyq jáne ınvestısııalyq yntymaqtastyqty arttyrýdyń keleshegin talqylady. D.Nazarbaeva Qazaqstan azamattary úshin vıza tártibin jeńildetý qajettigin atap ótti. Senator sondaı-aq Qazaqstan Úkimeti ulttyq zańnamany eýropalyq erejelerge sáıkes úılestirý boıynsha birqatar keshendi sharalar qabyldaǵanyn aıtty. Qazaqstan 62 memleket, onyń ishinde Eýropanyń 33 memleketiniń azamattary úshin vızasyz tártip engizdi.

Júzdesýshiler Eýropalyq Odaqtyń Ortalyq Azııa jónindegi jańa strategııasyn talqylady. D.Nazarbaeva birlesken yntymaqtastyqtyń basymdyǵy retinde bilim berý, quqyqtyń ústemdik qurýy jáne sapaly memlekettik basqarý arqyly adamı kapıtaldy damytýdy, áıelder arasyndaǵy kásipkerlikke mán bere otyryp, shaǵyn jáne orta bıznesti damytýǵa, kólik-logıstıkalyq ınfraqurylymdy damytýǵa, energııa tıimdiligin arttyrýǵa, sý qaýipsizdigi máseleleri boıynsha ózara árekettesýdi, Aýǵanstandaǵy jaǵdaıdy turaqtandyrý boıynsha sharalardy iske asyrýdy atap kórsetti.

D.Nazarbaeva qazaqstandyq joǵary oqý oryndarynda aýǵandyq stýdentterdi 2021 jyldarǵa deıin oqytý boıynsha baǵdarlama merziminiń uzartylǵanyn aıtty. О́tken jyly Eýropalyq Odaqtyń qarjylandyratyn aýǵan qyzdaryn oqytý jónindegi quny 2 mln. eýro bolatyn Qazaqstan, О́zbekstan men EO úsh jaqty baǵdarlamasy iske qosyldy. «Osy bilim berý jobasy Aýǵanstandaǵy áıelder rólin arttyrýǵa jáne balalardyń jaǵdaıyn jaqsartýǵa, sondaı-aq jalpy eldegi jaǵdaıdy retteýge yqpal etedi dep sanaımyz», - dep atap ótti senator.

Senat komıtetiniń tóraǵasy EO-EAEO aıasyndaǵy yntymaqtastyqtyń keleshegi týraly baıandap, qaýymdastyqtar arasyndaǵy ózara is-qımyl eki tarapqa da paıdaly bolatynyn ári jahandyq ekonomıkalyq daǵdarysqa jaýap berýge múmkindik beretinin atap ótti.                                                   

Sońǵy jańalyqtar

Ystyq tamaq taratty

Qazaqstan • Búgin, 17:59

Jaqsy ákim jalǵyz júredi

Tanym • Búgin, 17:02

Betperde kıgen kóktem

Tanym • Búgin, 16:55

Uqsas jańalyqtar