Ult saýlyǵy – uly murat

Senbi, 16 maýsym 2012 7:07

Sala-sala boıynsha kezektesip kelip jatatyn ataýly datalardyń ishinde barshaǵa jaqyn erekshe bir kún bar, ol – densaýlyq saqtaý qyzmetkerleriniń kásibı merekesi toılanatyn mezet. Osy aıtýly kúnniń qarsańynda bizdiń tilshimiz Qazaqstan Respýblıkasynyń Densaýlyq saqtaý mınıstri Salıdat QAIYRBEKOVAǴA jolyǵyp, salanyń búgingi jaı-kúıine damý perspektıvalaryna qatysty birneshe saýalǵa jaýap berýin suraǵan edi.

Senbi, 16 maýsym 2012 7:07

Sala-sala boıynsha kezektesip kelip jatatyn ataýly datalardyń ishinde barshaǵa jaqyn erekshe bir kún bar, ol – densaýlyq saqtaý qyzmetkerleriniń kásibı merekesi toılanatyn mezet. Osy aıtýly kúnniń qarsańynda bizdiń tilshimiz Qazaqstan Respýblıkasynyń Densaýlyq saqtaý mınıstri Salıdat QAIYRBEKOVAǴA jolyǵyp, salanyń búgingi jaı-kúıine damý perspektıvalaryna qatysty birneshe saýalǵa jaýap berýin suraǵan edi.

– Salıdat Zekenqyzy, eli­mizdiń medısına salasyn reformalaý qolǵa alynǵaly birshama ýaqyt boldy. Halyq densaý­ly­ǵyn saqtaýdyń biryńǵaı ulttyq júıesi engizildi. Osy oraıdaǵy alǵashqy nátıjeler qalaı? Naq­ty mysaldar keltire otyryp, tarqata aıtyp berseńiz.

– Memleket basshysy Nursul­tan Nazarbaevtyń elimizdiń basty baılyǵy halyq densaýlyǵyna, jal­py salany damytýǵa asa zor kóńil bólip otyrǵany barshaǵa belgili. Búgingi tańda bizdiń búkil jumysymyz densaýlyq saqtaý salasyn damytýdyń 2011-2015 jyl­darǵa arnalǵan «Salamatty Qazaq­stan» memlekettik baǵdarlamasy aıasynda júzege asyrylýda. Alda turǵan maqsat-mindetterdi aıqyn­dap bergen bul baǵdarlama densaý­lyq saqtaý salasyn jańa sapalyq deńgeıge kóteretinine qazirdiń ózinde kóz jetkizip otyrǵanymyz­dy aıtýǵa tıispiz.

Taǵy bir maqtanarlyq jaı Qa­zaqstan – medısınalyq kómektiń kepildik berilgen kólemimen azamattardy tegin qamtamasyz etip otyrǵan álemdegi sanaýly memle­ket­terdiń biri. Damyǵan elderdiń ózin tuıyqqa tiregen qarjy daǵ­darysy bizdiń osy oraıda belgile­gen sharalarymyzdy múltiksiz oryn­daýǵa bóget bolyp otyrǵan joq, memlekettik bıýdjet esebinen kórsetiletin tegin qyzmetter kóle­mi jyl saıyn ulǵaıa túsýde.

Elimizde júzege asyrylyp jatqan reformalardyń nátıjele­rine kelsek, 2010 jyldan engizile bastaǵan densaýlyq saqtaýdyń biryńǵaı ulttyq júıesi turǵyndar úshin josparly stasıonarlyq kó­mektiń qoljetimdiligin qamtamasyz etti. Osylaı tek ótken jyldyń ishinde ǵana stasıonardy erkin tańdaý quqyǵyn 700 myńdaı adam paıdalandy, olardyń 44 paıyzy aýyl turǵyndary. Naýqastardyń 6 paıyzy respýblıkalyq deńgeıdegi emdeý mekemelerin tańdap, tıisti kómek aldy.

Elimizdegi aýrýhanalar stasıo­nar­lyq kómek kórsetkeni úshin aqyny burynǵydaı tósek-oryn sanyna qaraı emes, kórsetilgen me­dı­sınalyq qyzmetter kólemine sáıkes alatyn boldy. Al munyń ózi bos turǵan tósekter sanyn aı­tarlyqtaı qysqartýǵa, sóıtip, naý­qastardyń suranystaryn neǵur­lym tolyq qanaǵattandyrýǵa, resýrs únemdeı­tin tehnologııalardy (kúndizgi stasıonarlar) belsendi túrde damy­týǵa múmkindik berip otyr. Qolda­nylǵan osyndaı shara­lardyń nátı­jesinde dárigerlerdiń ózderiniń biliktilikterin kóterýge yntasy artty. Bul jaıǵa eńbek­aqynyń túpki nátıjege baılanysty bolýy da ıgi áserin tıgizgeni anyq.

Búgingi tańda emdeý mekemesi basshysynyń menedjment deńgeıi joǵary bolýy tıis. Endigi jerde burynǵydaı jumys isteýge bolmaıdy. Qoldanysqa ozyq tehnologııalardy kóbirek engizip, qyzmet­kerlerdi tıisti eńbekaqy usyný arqyly yntalandyryp otyrýymyz kerek. О́ıtkeni, qazir stasıonarlar arasyndaǵy básekelestik barynsha artyp otyr. Bir ǵana mysal kel­tireıin. Qazir sozylmaly búırek fýnksııasynyń jetkiliksizdigi boıynsha medısınalyq kómek kórse­týge memlekettik tapsyrys naýqas­tyń tańdaýyna qaraı aýrýhananyń menshiktiń qaı túrine jatatynyna qaramastan berile beredi. Bul qa­dam básekelestikti jańa deńgeıge kó­teretin sııaqty. Qazir emdeý oryn­­dary naýqastardy ózderine tartý úshin tańǵy as berý, kólikpen alyp kelý sııaqty qosymsha qyz­metterin usyna bastady. Bul, sóz joq, eń aldymen naýqasqa paıdaly.

Búgingi tańda biryńǵaı ulttyq densaýlyq saqtaý júıesi sheńbe­rin­de barlyq emhanalar men dá­rigerlik ambýlatorııalarda ýchas­kelik medısınalyq qyzmetkerlerge yntalandyrý maqsatynda eńbek nátıjelerine qaraı negizgi jala­qysyna qosymsha aqy tólenýde. Áleýmettik qyzmetkerler, psıhologtar, ekinshi jáne úshinshi meıir­gerler qyzmetteri keńinen engizi­lýde. Bul sharalardyń barlyǵy turǵyndardyń áleýmettik jaǵynan áli de bolsa nashar qorǵalyp otyr­ǵan toptaryna qoldaý kórsetýdi kózdeıdi. Olarǵa telefon arqyly keńester beriledi, sol sııaqty, belgili bir qıyndyqtarǵa tap bolyp tuıyqqa tirelgen jandarǵa, otbasylarǵa úılerine baryp, qyz­met kórsetiledi.

– Elbasy N.Nazarbaev bı­ylǵy Joldaýynda onkologııa salasyna aıryqsha nazar aýdaryp, Úkimetke jańa salalyq baǵ­darlama qabyldaý, onkologııa­lyq ortalyqtar ashý jóninde tapsyrma bergenin bilemiz. Bul oraıda qandaı is-sharalar qolǵa alynbaqshy?

– Ústimizdegi jyly biz moder­nızasııalanǵan onkologııa qyzmetin qurýǵa kiriskeli otyrmyz. Onyń negizgi maqsaty elimizge eń ozyq tehnologııalardy engizý bolyp tabylady. Sóıtip, qaterli isik aýrýynan bolatyn ólim-jitimdi azaıtýdy jáne osyndaı dertke shaldyq­qandardyń ómir súrý merzimin bes jyldan ári uzartýdy josparlap otyrmyz.

Ústimizdegi jyldyń naýryz aıynda Qazaqstan Respýblıkasy Úki­metiniń qaýlysymen bekitilgen eli­mizde onkologııalyq qyzmetti da­my­týdyń 2012-2016 jyldarǵa ar­nalǵan salalyq baǵdarlamasy bir­tutas sharalar keshenin júzege asyrýdy kózdeıdi. Atalmysh baǵdar­lamada aýrýdyń aldyn alý sharalaryna, onyń ishinde skrınıngtik baǵdarlamalardy keńeıtýge aıryq­sha mán berilip otyr.

Baǵdarlamany júzege asyrý dıagnozdy erte qoıý, tıimdi emdeý jáne syrqatty ońaltý sııaqty úsh qaǵıdatqa negizdelgen. Ony júzege asyrýdyń barysynda qazaqstan­dyq­tardyń zamanaýı tehnologııa­larǵa qoljetimdiligi artady. Ol degenińiz, naqty aıtar bolsaq, ıadrolyq medısına, joǵary tehnologııaly sáýleli terapııa, dene ja­raqatyn salmaı ota jasaý, syr­qattarǵa, onyń ishinde balalarǵa joǵary dozaly hımııalyq terapııa ádisterin qoldaný degen sóz.

Árıne, osyndaı kúrdeli min­det­terdi júzege asyrý, eń aldymen, kadrlardyń biliktiligine baılanys­ty. Sondyqtan da onkologııalyq qyzmettiń kadrlaryn jáne jalpy emdeý júıesi dárigerlerin daıar­laýǵa, olardyń kásibı deńgeıin arttyrýǵa aıryqsha kóńil bólinýde.

Budan bylaı onkologııalyq qyz­metti qarjylandyrý syrqat­tardyń sanyna baǵdarlanatyn bolady. Qazir Astanada Ulttyq onko­logııalyq ǵylymı ortalyq qurý máselesi qarastyrylýda.

– Kezinde Ulttyq medısı­na­lyq holdıng qurylǵanda, keı­bireýlerdiń ony úı ishinen úı tigý dep baǵalaǵanyn qulaǵymyz shalǵan. Jańa úlgide, qyrýar qarjyǵa salynǵan ortalyqtar qalaı jumys istep jatyr?

– Memleket basshysynyń tapsyrysy boıynsha qurylǵan Ult­tyq medısınalyq holdıng Astana qalasyndaǵy medısınalyq klas­terdiń aýmaǵynda ornalasqan jańa zamanaýı emhanalardyń bazasynda «Bolashaqtyń gospıtali» strate­gııalyq jobasyn júzege asyrýda. Holdıngke qarasty klınıkalarda gemofılııa kezinde onkogematologııa, endoprotez jasaýǵa of­tol­mo­lo­gııaǵa, kardıohırýrgııaǵa, ınter­vensııalyq kardıologııaǵa baılanysty jańa qyzmetter engizilip, pozıtrondy emıssııalyq tomografııa ádisi arqyly onkologııalyq basqa da aýrýlardy erte anyqtaý ádisteri ıgerilýde.

2011 jyly salynǵan Kardıohırýrgııa ǵylymı ortalyǵy densaý­lyq saqtaýdyń halyqaralyq ozyq úlgisin ǵylymı praktıkamen sheber ushtastyryp otyrǵan osy saladaǵy ulttyq brend bolyp tabylady. Onyń negizgi qyzmeti ınnovasııa­lyq medısınalyq tehnologııalardy paı­dalana otyryp joǵary maman­dandyrylǵan kardıologııa­lyq jáne kardıohırýrgııalyq kó­mek kórse­týge, sondaı-aq syrqat­tarǵa kardıohırýrgııa jáne kardıologııa salalarynda ambýlatorııa­lyq zertteýden bilikti medısına­lyq kómek pen keshendi ońaltý aralyǵynda ǵyly­mı-aǵartýshylyq qyzmetti óristetý­ge baǵyttalyp otyr.

Qazir bizdiń klınıkalarymyzda júrek-qantamyrlary aýrýlaryn emdeýde ozyq tehnologııalar qol­danylýda, taıaýda ǵana biz úshin armandaı bolyp kelgen asa kúrdeli otalar jasalýda. Elimiz boıynsha tutastaı alǵanda 2011 jyly jú­rekke 8 myńnan astam, onyń ishinde 6,5 myń adamǵa ashyq jaǵdaıda ota jasaldy. Ortalyqtyń ashylýy 1130, onyń ishinde 300-deı balaǵa kardıohırýrgııalyq joǵary tehnologııaly otalar jasaýǵa múmkindik berdi. Buryn mundaı syrqatqa ushyraǵandar sheteldik mamandar­dyń kómegine júginetin.

Ulttyq medısınalyq holdıng­tiń klınıkalarynda biregeı otalar jasalýda. Mysaly, byltyr Kardıohırýrgııa ulttyq ǵylymı orta­lyǵynda alǵash ret qosymsha qan aınalymynyń shaǵyn qondyrǵysy ımplantasııalandy. Búgingi kúni osyndaı 20 ota jasaldy, aǵymdaǵy jyly taǵy 30 ota jasaý josparlanýda. Taıaýda ǵana Ana men bala ulttyq ortalyǵynda 14 jasar balaǵa ota jasaý arqyly týysqan donordan kemik maıyn transplantasııalaý júzege asyrylǵan edi. Syrqat bala saýyǵyp, úıine aman-esen oraldy.

Holdıng quramyna kiretin Ana men bala ulttyq ortalyǵy JCI halyqaralyq standarttarynyń talaptaryna saı akkredıtteýden ótti. Elbasymyz ben Úkimet keleshekte elimizdiń barlyq deńgeıdegi (oblys, respýblıka) medısınalyq uıymdaryn JCI sertıfıkasııalaýynan ótkizýdi usynyp otyr.

– Kóliktik medısına qyzme­tin uıymdastyrýdyń utymdy jaqtary, bolashaǵy jaıly aıtyp berseńiz.

– Elimizdiń kólik qatynaýy qıyn shalǵaı aımaqtarynda, selo­lyq jerlerde turatyndar úshin medısınalyq qyzmettiń qoljetim­di­ligin qamtamasyz etý maqsatynda kóliktik medısınany damytýdy qolǵa alyp otyrmyz. Sóıtip, «Den­saýlyq», «Járdem» jáne «Salamatty Qazaqstan» dep atalatyn úsh poıyzdy jolǵa shyǵardyq. Olar qysqa merzimniń ishinde 110 stansaǵa soǵyp, 50 myńnan astam adamdy, onyń ishinde 14 myńdaı balany qabyldady, turǵyndarǵa 260 myńnan astam emdeý-dıag­nos­tıkalyq qyzmetin kórsetti. Sanı­tarlyq avıasııa boıynsha respýb­lı­kalyq úılestirý ortalyǵy qu­ryldy. О́tken jyldyń shilde aıynan bergi ýaqytta hırýrgterdiń, travmotologtardyń, ýrologtardyń, anestezıologtar men reanımato­log­tardyń, akýsher-gınekolog­tar­dyń, balalar dárigerleriniń aqyl-keńesterin uıymdastyrý maqsa­tyn­da 600-den astam ushý saparlary júzege asyryldy. Ústimizdegi jyly Qazaqstanda shyǵarylatyn 6 ES-145 tikushaǵyn satyp alý jos­parlanyp otyr. Al mamyr aıynda 2 Ka-32 tikushaǵy qyzmet kórsete bastady.

О́tken kezeńde 50 jyljymaly keshen satyp alynyp, aımaqtarǵa jetkizilip berildi. 2011 jyly jyljymaly medısınalyq keshender 100 myńǵa jýyq dıagnostı­kalyq, 73 myń laboratorııalyq zertteýler júrgizdi, mamandardyń 145 myń aqyl-keńesin uıymdas­tyrdy, barlyǵy medısınalyq ba­qylaýmen 150 myńnan astam adamdy qamtydy.

Respýblıkalyq mańyzdaǵy jol­darda jol-kólik oqıǵalaryna tap bolǵan adamdarǵa der kezinde medısınalyq kómek kórsetý maqsa­tynda aımaqtarda 6 trassalyq me­dı­sınalyq-qutqarý beketteri uı­ym­dastyrylyp, olarǵa 6 arnaıy jabdyqtalǵan kólik bólindi. 2011-2015 jyldar aralyǵynda avtomobıl joldarynyń asa qaýipti dep tanylǵan ýchaskelerinde taǵy 40 medısınalyq-qutqarý beketterin uıymdastyrý kózdelip otyr.

– Emdeý mekemelerin, syrqat­tardy dári-dármekpen qamtama­syz etýdiń jaıy qalaı? Bola­shaqqa baǵdarlanǵan naqty jos­parlar bar ma?

– Memlekettik baǵdarlamada syr­qattarǵa dárihanalardy, dárilik preparattardy tańdaýǵa, dárihana­lar­dyń sanyn kóbeıtýge múmkindik beretin ambýlatorııalyq emdeý jú­ıesin jetildirý kózdelgen. Osyǵan oraı ambýlatorııa jaǵdaıynda dári-dármekpen qamtamasyz etý tizbesi qaıta qaraldy. Munyń ózi qazirgi ýaqytta dıspanserlik esepte turǵan syrqattarǵa dári-dár­mekti tegin paıdalanýǵa múmkindik berip otyr.

Ambýlatorııalyq deńgeıde, onyń ishinde asa qymbat nozologııa boıynsha dári-dármek alatyn syr­qat­tardyń regıstrin jasaý memleket kepildik beretin dári-dármekti ár syrqattyń naqty paıdalanýyn qadaǵalaýǵa jaǵdaı týǵyzady.

Qazaqstan Respýblıkasynda far­masevtıkalyq ónerkásipti damytý jónindegi 2010-2014 jyldar­ǵa arnalǵan salalyq baǵdarlama sheńberinde farmasevtıkalyq óner­­­kásip kásiporyndarynda ha­lyq­aralyq standarttar sapasyn engizý jóninde jumystar júrgi­zi­lýde. О́tken jyly otandyq óndirý­shilerden medısınalyq tehnıkalardy satyp alý jóninde memle­kettik satyp alý uıymdastyryldy. Medısınalyq jabdyqtardy lı­zıngtik sharttar boıynsha satyp alý júıesi engizildi.

Dári-dármekti jáne medısına­lyq maqsattaǵy buıymdardy satyp alýda biryńǵaı saıasat júrgizý maqsatynda 2009 jyly tegin me­dısınalyq qyzmet kórsetýdiń ke­pil­di kólemi sheńberinde dári-dármekter, medısınalyq jabdyq­tar satyp alýdy júzege asyrýmen aınalysatyn Biryńǵaı dıstrıbıýtor anyqtalǵan bolatyn. Bul jú­ıeni damytý, eń aldymen, turǵyn­dardyń densaýlyǵyn nyǵaıtýǵa, ómir sapasyn jaqsartýǵa baǵyt­talyp otyr. Dári-dármekpen qam­ta­masyz etýde irkilis bolmaýy qajettigin eskerip, ústimizdegi jyly satyp alynatyn dári-dármekter men medısınalyq maqsattaǵy bu­ıymdar boıynsha tender ótken jyldyń qyrkúıek-qazan aılarynda ótkizildi.

– Kóptegen óńirlerde bilikti kadrlarǵa degen suranys barynsha joǵary ekeni aıtylyp júr. Jas mamandardy aýyldyq jerlerge tartý máselesi qalaı sheshilýde?

– Jylma-jyl emdeý mekemele­riniń materıaldyq-tehnıkalyq bazasy nyǵaıyp kele jatqany tur­ǵyndarǵa jaqsy málim dep oılaımyn. Sol sııaqty, medısına qyz­metkerleriniń jumys jaǵdaıyn jaqsartý, olardyń eńbekaqysyn ósirý baǵytynda da naqty sharalar qoldanylýda. Degenmen, medısına qyzmetkerleri úshin eń basty syı­lyq, qýanysh – ol syrqattardyń aıyǵyp ketýi. Munyń ózi bizdiń aldymyzǵa kadrlardyń biliktiligin arttyrý baǵytyndaǵy jumystardy udaıy jetildire berý mindetin qoıady. 2011 jyldyń qazan aıynda Qazaqstan Respýblıkasynda me­dı­sı­nalyq jáne farmasevtıkalyq bilim berýdi damytýdyń 2011-2015 jyldarǵa arnalǵan tujyrym­da­masy bekitilgen bolatyn. Osyǵan sáıkes bilim berý menedjmenti júıesindegi barlyq memlekettik medısınalyq joǵary oqý oryndary sertıfıkattaýdan ótkizildi. Medısına mamandaryn daıarlaıtyn joǵary oqý oryndaryn akkredıtasııalaý júıesi engizildi. Medısına jáne farmasevtıka kadrlaryn dıplom alǵannan keıin daıarlaý má­selesi de udaıy nazarda. Onyń sheńberinde joǵary oqý ornynan keıin qosymsha kásiptik bilim berý qarastyrylǵan. О́tken jyly bar­lyq joǵary oqý oryndarynda ın­ternderdi attestasııadan ótkizýdiń qanatqaqty jobasy júzege asyryldy.

Memleket basshysy Qazaqstan halqyna bıylǵy Joldaýynda medısına kadrlaryn daıarlaýmen aınalysatyn joǵary oqý oryndaryn bitirýshilerdiń bilimin táýelsiz saraptamadan ótkizýdi engizýdi tap­syrǵan bolatyn. Densaýlyq saqtaý mınıstrligi osy tapsyrmany júze­ge asyrý jáne «Salamatty Qazaq­stan» baǵdarlamasyn oryndaý úshin Astana qalasynda medısına qyzmetkerleriniń bilimi men daǵ­dy­syna baǵa beretin respýb­lıka­lyq táýelsiz ortalyq jáne Almatyda onyń fılıalyn ashýdy jos­parlap otyr. Olardyń jumysyna kásibı qaýymdastyqtardy tartpaq­pyz. Qazir bul baǵyttaǵy jumys­tar bastalyp ketti.

2011 jyly dárigerlerdiń bilik­tiligin arttyrýmen aınalysatyn Almaty memlekettik ınstıtýty bazasynda, medısınalyq bilim berýmen jáne ǵylymmen aınalysatyn 12 jetekshi uıymnyń qatysýymen, kadrlardyń biliktiligin keshendi arttyrý maqsatynda ınnovasııa­lyq-bilim berý konsorsıýmy qu­ryl­dy. Naq sol jyly respýblı­kalyq bıýdjet qarjysy esebinen 34 myńnan astam dárigerler men orta býyn kadrlar otandyq oqý oryndarynda jáne ǵylym uıymda­rynda óz bilimderin jetildirdi. Sheteldik bilikti mamandardy sha­qy­ra otyryp, sheberlik synyptaryn ótkizý praktıkasy da keńinen qoldanylýda. Sonymen birge ótken kezeńde 198 qazaqstandyq maman ozyq halyqaralyq medısınalyq tehnologııany ıgerý maqsatynda Germanııanyń, Lıtvanyń, Reseıdiń, Belorýssııanyń, Izraıldiń, Japo­nııanyń, Chehııanyń klınıkalaryna jiberildi. Densaýlyq saqtaýdyń kadrlyq resýrstaryn damytýdyń 2012-2020 jyldarǵa arnalǵan tu­jyrymdamasynyń jobasy jasalýda. Ony qabyldaý kadrlardyń bá­se­kege qabilettiligin damytýǵa jol ashady. Saıyp kelgende, mu­nyń bári turǵyndarǵa bilikti medısı­nalyq qyzmet kórsetýdiń kepili bolyp tabylady.

Ras, kadr máselesi barlyq jerde birkelki sheshilip otyrǵan joq. Ásirese, selolyq jerlerge bilikti medısına qyzmetkerleri kerek-aq. Bul máseleni de oıdaǵydaı sheshe­tinimizge senimdimiz. Osy maqsat­pen jas mamandardy aýyldyq emhanalar men aýrýhanalarǵa tartý úshin olarǵa kóterme járdem aqy tóleý, turǵyn úı alýǵa kómek kórsetý sııaqty áleýmettik qoldaý jasalýda.

Jyl saıyn Medısına qyzmet­ker­leriniń kásibı merekesi qarsa­ńynda «Eń úzdik aýyl dárigeri» nomınasııasy boıynsha da konkýrs ótkizilip turady. Mundaı is-sharalar jastardy aýyl medısınasynda jumys jasaýǵa yntalandyrady dep oılaımyn.

– Búgingi suhbatymyz Medısına qyzmetkerleri kúnine tuspa-tus kelip otyrǵandyqtan, sala basshysy, dáriger retinde áriptesterińizge degen tilegińizdi estisek.

– Búgingi tańda elimizdiń medısına salasynda 65 myńdaı dáriger, 149 myń orta býyn medısına kadr­lary eńbek etýde. Olardyń ár kúni qaýyrt eńbekke, tosyn jaı­lar­ǵa toly. О́zderińiz oılap qara­ńyzdar, bir táýliktiń ishinde ǵana dári­ger­ler jergilikti jerlerde 2 myńǵa jýyq ota jasap, 1 myńnan astam ómir esigin jańa ashqan ná­res­teni qabyldap alady eken. Al jyl saıyn bizdiń qyzmet­ker­lerimizdiń aldynan 3 mıllıonnan astam adam ótedi. Mine, osynyń bári bizdiń qyzmetkerleri­mizden asa bilim­dilikti, joǵary adamı qasıetterdi, árkez mol qaıtarym­men jumys isteýdi talap etedi. Búgingi kúni men ózimniń áript­es­terime joǵary bi­liktiligi, ózderi tańdaǵan ma­man­dyqqa adal­dyǵy, qa­ıyrym­dylyǵy, adamdardy qa­tarǵa qosý, al kóp jaǵdaıda olardy ajaldan arashalap qalyp jatqan qajyrly eńbegi úshin rızashylyq bildirgim keledi. Barshasyna zor densaýlyq, tabys, otbasynda be­reke-birlik, ıgilik tileımin.

– Áńgimeńizge kóp rahmet. El ıgiligine baǵyttalǵan eńbekte­rińiz jana bersin.

Áńgimelesken

Jarasbaı SÚLEIMENOV,

«Egemen Qazaqstan».