Qazir memlekettik saıasat halyqtyń ál-aýqatyn arttyryp, oblys turǵyndarynyń sanyn kóbeıtýge baǵyttalǵan. 2018 jyldyń qorytyndysy boıynsha oń kórsetkish bar.
«Biz mıgrasııalyq prosester boıynsha oń ózgeristerdi baıqap otyrmyz. 2017 jylmen salystyrǵanda oblystan kóship ketken adamdardyń sany 15% azaıǵan. Kóptegen jastarymyz oblysta qalýda. Shekaralyq aımaqtarǵa baryp oqıtyn túlekterdiń sany 13% qysqardy. 2018 jyly SQMÝ granttar sanyn 342 den 1072 deıin ósirdi. Jergilikti bıýdjetten 75 grant bólindi», — dedi Qumar Aqsaqalov.
2018 jyly 1,5 myń adam nemese 450 otbasy kóship keldi. Bıyl taǵy 2 myń adam keledi. Bolashaǵy bar aýyldarda bıyl 600 úı salynady. Osy aýyldarǵa jol, mektep, ambýlatorııa jóndeýge, aýyz sýmen qamtamasyz etýge qarjy baǵyttalady. Aıtyp ótken jón, bıyl 705 km jol jóndeýge 37 mlrd. teńge bólinedi. 29 aýylǵa taza aýyz sý keledi, bul eldi-mekenderde 24 myń adam turady.
