О́tken jyldyń qorytyndysy boıynsha Úndistanmen taýar aınalymy 1,2 mlrd dollardy qurady. Sondaı-aq ımport 14%-ǵa ósken.
Ulttyq ekonomıka mınıstri Tımýr Súleımenov Qazaqstan Úndistanmen, sondaı-aq Egıpetpen, Izraılmen, Serbııamen jáne Sıngapýrmen erkin saýda aımaǵy týraly kelissózder júrgizetinin habarlady. Esterińizge sala keteıik, 2015 jyly Qazaqstan Vetnammen, al 2018 jyly Iranmen erkin saýda aımaǵy týraly kelisimge qol qoıǵan bolatyn.
О́z kezeginde, Energetıka mınıstri Qanat Bozymbaev qazaqstandyq delegasııanyń Úndistanǵa sapary nátıjesinde, Petrotech-2019 halyqaralyq konferensııasyna qatysý jáne saýda-ekonomıkalyq jáne ınvestısııalyq yntymaqtastyqty odan ári keńeıtý jáne tereńdetý máselelerin talqylaý qorytyndysy boıynsha Úndistan Qazaqstan aýmaǵynda kargo-tasymaldaý úshin avıasııalyq hab qurý múmkindigin qarastyratynyn habarlady.
Sonymen qatar, ONGC Úndi kompanııasy Qazaqstannyń iri munaı óndirý kásipornyn satyp alýǵa múddeli. Sondaı-aq Qazaqstanda mashına qurastyrýdy bastaǵysy keletin kompanııalarmen kelissózder júrgizilýde. Al hımııa ónerkásibi sektorynda Úndi ınvestorlary azot tyńaıtqyshtaryn óndirýge qyzyǵýshylyq tanytyp otyr.
О́tken jyly Qazaqstannyń Úndistanǵa eksporty 30,1%-ǵa artyp, 954,1 mln dollardy qurady.
Negizgi eksporttalatyn taýar – munaı (741,6 mln AQSh dollary), hımııalyq radıoaktıvti elementter jáne olardyń qosylystary (90,3 mln AQSh dollary) jáne untaq túrindegi kúmis (67,6 mln AQSh dollary).
Úndistannan kelgen ımport ótken jyldyń qorytyndysy boıynsha 14,2%-ǵa artyp, 242,8 mln AQSh dollaryn qurady.
Negizgi ımporttalatyn taýar – dárilik zattar (66,6 mln, jylyna 13%), dámdi, hosh ıisti qospalary bar shaı (32,6 mln AQSh dollary) jáne telefon apparattary (11,1 mln AQSh dollaryn qurap, bir jylda 64,4 ese ósti).
5 jyl ishinde (IV toqsan 2013 — III toqsan 2018) Qazaqstan ekonomıkasyna Úndistan 100 mln AQSh dollary kóleminde ınvestısııa saldy. Úndi ınvestısııalarynyń negizgi salalary – energetıka, qarjy jáne farmasevtıka.
Bıyl Qazaqstanda úndi kapıtalynyń qatysýymen 560-qa jýyq zańdy tulǵalar men fılıaldar tirkelgen. Sońǵy jyldary bizdiń elimizde SB PNB, Siva Swathi Textiles, Sava Health Care jáne t. b. sııaqty kompanııalar tabysty jumys isteýde.
