Qala turǵyndarynyń biri ákimge О́skemen kóshelerinde sheteldik sportshylardyń jıi ushyrasatynyn aıtyp, olardyń qandaı maqsatpen qonystanyp jatqanyn surady. ShQO ákimi ol sportshylar elimizdiń atynan baıraqty básekelerde synǵa túsip qana qoımaı, jergilikti sportshylardyń daıyndyq deńgeıiniń kóterilýine yqpal etetinin atady.
«О́zim birneshe ret kýá boldym. Tańerteń erte júgirýge shyqsańyz, jattyǵyp júrgen kenııalyq qyzdardy kóresiz. Olar ár kúnniń 7 saǵatyn jattyǵýǵa arnaıdy. Jergilikti atletter arasynda Olga Rypakova ǵana osylaı tynymsyz eńbek etedi. Kenııalyq qyzdar osy isimen ózge jas sportshylarǵa úlgi bolyp júr», - dedi Danıal Ahmetov.
4 kenııalyq sportshy sońǵy bir jyl kóleminde jergilikti «Altaı Atletıks» klýbynyń atynan synǵa túsip, halyqaralyq baıraqty básekelerde birneshe ret top jardy. Tórteýi de Qazaqstan Respýblıkasynyń azamattyǵyn alǵan, Halyqaralyq jeńil atletıka federasııasy qaýymdastyǵynyń úzdikter reıtıngine kiredi.
«Jýyrda men Halyqaralyq jeńil atletıka federasııasynyń (IAAF) prezıdenti Sebastıan Koemen kezdestim. Júzdesý barysynda oǵan Qazaqstanda IAAF aımaqtyq damý ortalyǵyn ashýdy usyndym. Qazir álemde osyndaı toǵyz ortalyq bar. Eger ol ortalyq ashylǵan jaǵdaıda elimizdiń ǵana emes, ózge memleketterdiń de mamandary álemdik deńgeıdegi bilim alý úshin bizge keletin bolady», - dedi esepti kezdesý barysynda oblys basshysy Danıal Ahmetov.
