«2020 jyldyń 1 qańtarynan bastap, jeke tulǵa basqa bankter men jekelegen banktik operasııalaryn júzege asyratyn uıymdardan alynǵan ıpotekalyq turǵyn úı qaryzdarynyń syıaqylary boıynsha salyqtyq shegerimdi qoldaný quqyǵyna ıe bolady» delingen habarlamada.
Syıaqylar boıynsha salyqtyq shegerim tólem kózinen salyq agentimen (jumys berýshimen) qoldanatyndyqtan, jeke tulǵalar salyqtyq jeńildikti qoldaný úshin salyq agentine (jumys berýshige) kelesi qujattardy usynýy qajet:
1) jeke tulǵanyń salyqtyq shegerimderdi qoldaný týraly ótinishi;
2) rastaıtyn qujattardyń kóshirmeleri.
Syıaqylar boıynsha salyqtyq shegerimdi qoldaný úshin myna qujattar qajet:
1) Qazaqstan Respýblıkasynyń aýmaǵynda turǵyn úı jaǵdaılaryn jaqsartý jónindegi is-sharalardy júrgizýge «Turǵyn úı qurylys jınaq banki» AQ-men jasalǵan ıpotekalyq turǵyn úı qaryzy sharty;
2) syıaqy somalary bólip kórsetilgen ıpotekalyq turǵyn úı qaryzyn óteý kestesi;
3) osyndaı qaryz boıynsha syıaqynyń ótelgenin rastaıtyn qujat (túbirtek).
Mundaı qujattardyń kóshirmeleri talap qoıýdyń eskirý merzimi ishinde, ıaǵnı bes jyl ishinde, salyq agentinde saqtalady.
Jeke tulǵanyń osy salyqtyq shegerimin tek bir salyq agentinde (jumys berýshide) qoldanýǵa quqyǵy bar ekenin eskergen jón.
Syıaqylar boıynsha salyqtyq shegerimdi jeke tulǵa óz paıdasyna jumsaıdy. Qazaqstan Respýblıkasynyń aýmaǵynda turǵyn úı jaǵdaılaryn jaqsartý jónindegi is-sharalardy júrgizýge turǵyn úı qurylysy jınaq bankterinen alynǵan ıpotekalyq turǵyn úı qaryzdary boıynsha syıaqyny tóleýge arnalǵan shyǵystar boıynsha qoldanady.
