«Qazaqstan Respýblıkasy men О́zbekstan Respýblıkasy Prezıdentteriniń 2017 jylǵy 16 qyrkúıektegi kezdesýinde 2019 jyly О́zbekstanda Qazaqstan jylyn atap ótý týraly sheshim qabyldanǵan bolatyn. О́zbekstan Respýblıkasynyń Prezıdenti Shavkat Mırzııaev pen Qazaqstan Respýblıkasynyń Prezıdenti Nursultan Nazarbaev eki el arasynda mádenı-gýmanıtarlyq baılanystardy damytýdyń mańyzdylyǵyn, tarıhymyzdyń ortaqtyǵyn, rýhanı jańǵyrýymyzdy nazarǵa alyp, mádenı baılanysty damytýdyń mańyzdylyǵyna toqtalǵany belgili. Elbasymyz Nursultan Ábishuly Nazarbaev: «Bizdiń tyǵyz mádenı-gýmanıtarlyq baılanystarymyz dostyq qarym-qatynastarymyzdyń mańyzdy faktory bolyp sanalady. Osy bastamalar aıasynda ótkiziletin túrli is-sharalar eki baýyrlas halyqtyń jaqyndastyǵyn odan ári tereńdetýge septigin tıgizbek» - dep atap ótti. Mádenıet jáne sport mınıstrliginiń qoldaýymen eń alǵashqy is-sharany bastap Tashkent qalasyna keldik.Qorynda 25 myńnan astam jádigeri bar «Áziret Sultan» memlekettik tarıhı-mádenı qoryq-mýzeıiniń О́zbekstan Respýblıkasynda kórmeni ótkizýdegi maqsaty — eki el arasyndaǵy mádenı-gýmanıtarlyq qarym-qatynastardy nyǵaıtý, túrki áleminiń qara shańyraǵy Túrkistannyń tarıhı ornyn, onyń mádenı-rýhanı kelbetin ashyp kórsetý, tarıhı jádigerlerdi nasıhattaý, mádenı baılanysty keńeıtý, mýzeıler arasyndaǵy kommýnıkasııany nyǵaıtý. Rýhanı baılanys, mádenı qarym-qatynasy egiz qos eldiń yntymaǵy arta bersin!», dedi qoryq-mýzeı basshysy Nurbolat Qadyruly.
Kórme ekspozısııasyna 50-den asa foto kartınalar men qoryq-mýzeıdiń shyǵarǵan baspa ónimderi qoıyldy.
1871-1872 jyldary jıhankez A.Kýnnyń «Túrkistan albomynda» jaryq kórgen Túrkistan qalasy, Qoja Ahmet Iаsaýı kesenesi, ondaǵy Ámir Temirdiń buıryǵymen jasalǵan HIV ǵasyrdyń qundy jádigerleri - Taıqazan, Laýha (týdyń ushy), Shyraǵdandar, Esikter men qoryq-mýzeı qoryndaǵy etnografııalyq, arheologııalyq materıaldar, Túrkistan óńirindegi tarıhı-rýhanı oryndardyń fotosýretteri kópshilik nazaryna usynyldy.
Shara barysynda ózbekstandyq kórme tamashalaýshylar «Túrkistan áfsanasy» derekti fılmin de tamashalady. Sondaı-aq, qoryq-mýzeı Memleket Basshysy N.Á.Nazarbaevtyń «Bolashaqqa baǵdar: rýhanı jańǵyrý» baǵdarlamalyq maqalasynda kórsetilgen «Jahandaǵy zamanaýı qazaqstandyq mádenıet» jobasyn negizge ala otyryp, Uly dalanyń rýhanı muralaryn shetelderde tanytý, nasıhattaý arqyly elimizdegi tarıhı oryndarǵa sheteldikterdiń qyzyǵýshylyǵyn týdyrýdy kózdeıdi.
Qazaqstan Respýblıkasy Mádenıet jáne sport mınıstrligi «Áziret Sultan» memlekettik tarıhı-mádenı qoryq-mýzeıi» RMQK 2018 jyly Túrkııa Respýblıkasynyń Kastamoný, Ankara, Býrsa qalalarynda «Qoja Ahmet Iаsaýı muralary jáne Túrkistan» taqyrybynda, Grekııanyń Salonıkı, Reseıdiń Sochı qalalarynda halyqaralyq kórmelerge qatysty.
Kórme bir aı kelýshilerge qyzmet kórsetedi.
