Júlde qory 744 010 evrony quraǵan jarystyń tusaýkeser kezdesýinde Ýkraınanyń ókili Denıs Kýdlany qapy qaldyrǵan otandasymyz ekinshi kezeńde Izraıldiń myqtysy Denıs Shapavalovqa shań qaptyryp ketken edi. Shırek fınalda onyń joly reseılik Andreı Rýblevpen qıysty. 1 saǵat jáne 5 mınýtqa sozylǵan básekede Kýkýshkınniń ústemdigi esh kúmán týǵyzǵan joq. Esep – 6:4, 6:1.
Jartylaı fınalda Mıhaıl Kýkýshkın Ýgo Ýmbertpen kezdesedi. Álemdik reıtıngte 75 orynda turǵan Fransııanyń tennısshisi osy týrnırde Ernest Gýlbıs, horvatııalyq Borna Chorıch jáne germanııalyq Mattıas Bahıngerden basym túsken bolatyn.
Ǵalym SÚLEIMEN,
«Egemen Qazaqstan»
