Birinshi kezeńniń 5-mınýtynda Egor Petýhov esep ashqanymen, aıdyn ıeleri lezde esepti teńestirip ketti. Úzilisten keıin «Kýnlýn» alǵa shyqty. Desek te úshinshi kezeńde «Barystyń» oıynshysy Andre Petersson mergendik tanytty. Negizgi ýaqytta jeńimpaz anyqtalmaǵandyqtan oıyn overtaımǵa ulasty. Bul rette de teń esep saqtaldy. Al býllıt soǵý barysynda astanalyqtardyń asyǵy alshysanan tústi. Qorytyndy esep – 2:3.
Osylaısha, «Barys» QHL-dyń turaqty birinshiligindegi óziniń eń úzdik nátıjesine qol jetkizdi. Jerlesterimiz Chernyshev dıvızıonynda kósh bastap, Shyǵys konferensııasynda ekinshi oryndy ıelendi. Turaqty birinshilikti besinshi orynmen qortyndylady. Aıtýly jarys barysynda 62 kezdesý ótkizgen elordalyq hokkeıshiler 86 upaıdy enshiledi.
Endi «Barys» Gagarın kýbogy úshin talasady. Pleı-offtyń birinshi kezeńinde Tómengi Novgorodtyń «Torpedosymen» sheberlik baıqasamyz. Alǵashqy eki oıyn 26 jáne 28 aqpanda Astanada ótedi. Odan keıin 2 jáne 4 naýryzda syrtta kúsh synasamyz.
Ǵalym SÚLEIMEN,
«Egemen Qazaqstan»
