Oblystyq Tótenshe jaǵdaılar departamenti О́rt qaýipsizdigin baqylaý bóliminiń habaryna qarǵanda, kenttegi №29 órt sóndirý bóliminiń «101» pýltine saǵat 17.15-te jeke menshik úıde órt shyqqany jaıly habarlaıdy. Oqıǵa ornyna 4 órt sóndirýshisi bar bir bólimshe jiberildi.
Úı ıesi sol jerde bolǵan jáne úıde gaz ballondary bar ekenin eskertedi.
Kúshter men quraldardy jedel basqarý ortalyǵyna jarylys qaýpi múmkin ekendigi týraly habarlanady.
О́rt sóndirýshiler kishi serjant A. Kolokolnıkov jáne qatardaǵy jaýynger D. Makarov úıden syıymdylyǵy 27 lıtrlik alty ballon men 50 lıtrlik bir gaz ballondaryn syrtqa shyǵaryp úlgeredi.
Jarylys pen órt jalyny kórshi úılerge jáne sharýashylyq qurylystarǵa taraýynyń aldyn aldy.
Úı ıesiniń aıtýynsha, órttiń shyǵýyna gaz ballonyn aýystyrý kezinde gaz-aýa qospasynyń tutanýy sebep bolǵan.
Kent órt sóndirýshileriniń batyldyǵy men birlesken jumys barysynda órt sóndirilip, ballondar der kezinde syrtqa shyǵarylyp, jarylysqa tosqaýyl qoıyldy.
Kishi serjant Artem Kolokolnıkov bólimsheniń qoǵamdyq ómirine, sondaı-aq, garnızonda ótkiziletin barlyq sporttyq is-sharalarǵa belsendi qatysady.
Departamenttiń О́rt qaýipsizdigin baqylaý bólimi aqpan aıynyń 10 kúngi órt oqıǵasynda batyldyq kórsetken órt sóndirýshilerimen maqtana alady.
Farıda BYQAI,
«Egemen Qazaqstan»
Pavlodar oblysy
