Aptanyń dúısenbisi men juma kúnderi tańǵy saǵat 9:00-den 18:00-ge deıin jumys isteıtin keńsede turǵyndar 5-10 mınýttyń aralyǵynda búkil polısııa qyzmetine qatysty suraqtaryna jaýap ala alady. Kompıýterler ortalyq bazaǵa tirkelgendikten kólikterge qatysty aıyppuldardy da kórýge múmkindik bar. Azamattar keńsede aryz-shaǵymdaryn qaldyryp, istiń júrgizilý barysyn baqylaı alady. Eń bastysy, turǵyndar kezek kútip, ýaqyt ketirmeıdi.
Azamattar tarapynan qoıylǵan suraqtarǵa Jergilikti polısııa qyzmetiniń, Ákimshilik polısııa basqarmasynyń qyzmetkerleri, anyqtaýshylar, tergeýshiler jáne qujattamamen qamtamasyz etý bóliminiń mamandary jaýap beretin bolady. Atalǵan nysanda azamattardy qabyldaýǵa barlyq jaǵdaı jasalyp, jedel basqarý ortalyǵymen beınebaqylaý júıesi tartylǵan.
Polısııa departamenti qyzmetkerleriniń aıtýynsha, front-ofıstiń ashylýy azamattardan kelip túsetin ótinishterdiń qaralý merzimin qysqartyp, polısııa jumysynyń ashyqtyǵyn jáne suraqtardyń jedel sheshilýin qamtamasyz etetin bolady. Sondaı-aq sybaılas jemqorlyqtyń tómendeýine ózindik septigin tıgizedi.
Jańadan ashylǵan keńse jumysymen tanysqan oblys ákimi Janseıit Túımebaev halyqqa qyzmet kórsetýdiń sapasyn jetildire túsý kerektigin aıtyp, keńse jumysyna sáttilik tiledi. Munan soń, óńir basshysy oblystyq polısııa departamentiniń Túrkistandaǵy jańa ǵımaratymen tanysty.
Ǵalymjan ELShIBAI,
«Egemen Qazaqstan»
Túrkistan oblysy
