Astana qalasy ákimdiginiń «Sharapat» áleýmettik qyzmet kórsetý ortalyǵynda Julyn neırohırýrgııasy jáne shetki júıke júıesiniń patologııasy bólimshesiniń bilikti mamandary túrli naýqastardy tegin qarap, dıagnozdaryn anyqtap, konsýltasııa berdi. Keńes berý aıaqtalǵannan keıin odan ári emdeý men tekserilý boıynsha usynymdar berildi. Al durys dıagnoz qoıa bilý tıimdi emdeýdiń negizi sanalady, ári pasıentti odan arǵy emdeýdiń tásilin anyqtap beretini aıan.
Budan ózge, atalǵan joba aıasynda ortalyq tórt jáne odan da kóp balaly áıel jumyskerlerine de qoldaý kórsetýdi qolǵa alǵan, mundaı kópbalaly analardyń sany 60-tan asady eken. Buǵan qosa, klınıka Balalar neırohırýrgııasy bólimshesindegi 2 jasqa deıingi balalarǵa arnalǵan 5 manejdi Astana qalasynyń mamandandyrylǵan balalar ortalyǵyna berý týraly sheshim qabyldapty.
Aıta keteıik, ortalyq jyl saıyn 16 myńdaı adamǵa qyzmet kórsetip, shamamen 3000 operasııa jasalady. 2018 jyldyń qorytyndysy boıynsha 4105 pasıent emdelgen. Ulttyq neırohırýrgııa ortalyǵyna kvotamen kelip túsetin pasıentter úshin neırohırýrgııalyq operasııalardyń barlyǵy derlik tegin jasalady.
Anar TО́LEÝHANQYZY,
«Egemen Qazaqstan»
