Bólinis quramynda departamenttiń qyzmet salalary jáne IIM UU №5547 áskerı bóliminiń sarbazdary men jeke kúzet mekemeleri, qoǵamdyq uıym ókilderi qatysty. Shara barysynda Kadr jumystary basqarmasy qyzmetkerleri jeke quram arasyndaǵy tártip pen zańdylyqtyń saqtalý barysy týraly jetkizip, jeke quramdy marapattaý jónindegi buıryqtarmen tanystyryp, tabystady. Onyń ishinde Syr óńiriniń mártebesin kóterýge, qoǵamdyq qaýipsizdikti qamtamasyz etýge qosqan úlesi úshin Qyzylorda oblysynyń ákimi Q.Kósherbaevtyń Alǵys hatyn ıelengen Qyzylorda qalalyq Polısııa basqarmasynyń ıývenaldy polısııa bólimshesiniń bastyǵy Jasulan Úksikbaev marapattaldy.
Sonymen qatar, qyzmetkerlerde bolýy tıis qarý-jaraq zattarynyń bar-joǵyn, densaýlyq jaǵdaılaryn, qyzmetke túsetin adamnyń maýsym boıynsha nysandy kıim kııýin, syrtqy kelbeti jınaqy jáne kerek-jaraǵynyń aqaýsyz bolýyn, ınjenerler men tehnıkter avtokólik pen baılanys quraldarynyń tehnıkalyq jaı-kúıi tekserildi. Buıryq berilgennen keıin úrmeli orkestrdiń súıemeldeýimen saltanatty sherý júrip ótti.
