Olardyń arasynda «Jas kásibı maman» saıysynyń jeńimpazy, Aqtóbe temir joly bólimshesiniń aǵa ınjeneri Rýslan Jumaǵalıev, «Kópfýnksıonaldy qyzmet kórsetý ortalyǵy» UK» AQ fılıalynyń salyqty esepke alý departamentiniń bas menedjeri Álibek Muratbekuly, Almaty temir joly bólimshesiniń bólim basshysy Ánelıa Murasheva, Mańǵyshlaq stansııasy О́TB vagon jóndeýshisi-baqylaýshy Qýatbek Kópbaev bar.
Forýmǵa sonymen qatar «Menedjment joba» saıysynyń jeńimpazdary – Shý mashınalandyrylǵan jol dıstansııasynyń О́TB jetekshi ınjener-tehnology Nurlan Qalyńǵaraev, Jambyl magıstraldyq jeli bólimshesiniń jetekshi ınjeneri Dáýletbek Joldasbaev jáne ózgeleri de qatysty.
Quryltaıǵa qatysýshylar óz alǵan áserlerimen bólisti. R.Jumaǵalıev talqylaýǵa túsken taqyryptardyń mańyzyn erekshe atap ketti. Onyń aıtýynsha, jas temirjolshylar talqy tezine túsken bıznes múmkindikteri men jańa tehnologııalardy qoldaný, jastar kásipkerligi perspektıvalaryna qatysty taqyryptarǵa erekshe qyzyǵýshylyqtaryn tańytty.
О́zge qatysýshylar «QTJ» UK» AQ júzege asyryp jatqan jastar saıasatynyń sátti júrgizilip jatqanyna nazar aýdartty. Kompanııada kólik salasyn damytýǵa úles qosqysy keletin jas qyzmetkerlerdiń kásibı jáne jeke tulǵa retinde ósýine jan jaqty qoldaý kórsetilip keledi.
«QTJ» UK» AQ temir joldyń ár túrli ýchaskesinde jumys istep kele jatqan jas qyzmetkerlerdiń jalpy sany 52 myńnan asady.
Atalǵan forýmdarǵa qatysý jastardyń óz áleýetteri men múmkindikterin belsendi paıdalanýǵa, erteńge degen seniminiń oıanýyna jáne jańa jetistikterge jetýine serpin beredi.
