Otandyq kardıohırýrgııanyń ozyq jetistigi

Beısenbi, 12 shilde 2012 7:34

Júrek-qan tamyrlary aýrýlarynyńepıdemııasy HH ǵasyrdyń ekinshijartysynan bastap búkil álemdi sharpyǵanyras. Jańa ǵasyr bastalǵanda da jaǵdaıdyńózgere qoımaǵanyn naqtylaıtyn faktilerjeterlik. Ateroskleroz jáne arterıaldygıpertonııa dıagnozy qoıylǵan júrektińıshemııalyq aýrýy, mıdaǵy qan aınalymnyńbuzylýy búkil álemdegi ólimniń basty sebebidesek, bul kesel bizdiń elimizdi de orapótken joq. Sondyqtan bul máselege ótebaıypty qaraǵan Elbasymyz 2007 jylyelimizde kardıohırýrgııany damytý boıynshamemlekettik baǵdarlama qabyldanýynauıytqy boldy. Ol baǵdarlamanyń negizgimaqsaty – júrek-qan tamyrlaryaýrýlarynan bolatyn ólim-jitimdi azaıtý edi. О́ziniń kezekti suhbatynyńbirinde Nursultan Ábishulynyń bylaı degeni este: «Men 2005 jylyjúrek-qan tamyrlary aýrýlarynyń máselesin sheshý úshin Úkimetkemindetter júktedim. Sol kezde Qazaqstan boıynsha júrekke jylyna 900-gejýyq otalar jasala bastady».

Beısenbi, 12 shilde 2012 7:34

Júrek-qan tamyrlary aýrýlarynyńepıdemııasy HH ǵasyrdyń ekinshijartysynan bastap búkil álemdi sharpyǵanyras. Jańa ǵasyr bastalǵanda da jaǵdaıdyńózgere qoımaǵanyn naqtylaıtyn faktilerjeterlik. Ateroskleroz jáne arterıaldygıpertonııa dıagnozy qoıylǵan júrektińıshemııalyq aýrýy, mıdaǵy qan aınalymnyńbuzylýy búkil álemdegi ólimniń basty sebebidesek, bul kesel bizdiń elimizdi de orapótken joq. Sondyqtan bul máselege ótebaıypty qaraǵan Elbasymyz 2007 jylyelimizde kardıohırýrgııany damytý boıynshamemlekettik baǵdarlama qabyldanýynauıytqy boldy. Ol baǵdarlamanyń negizgimaqsaty – júrek-qan tamyrlaryaýrýlarynan bolatyn ólim-jitimdi azaıtý edi. О́ziniń kezekti suhbatynyńbirinde Nursultan Ábishulynyń bylaı degeni este: «Men 2005 jylyjúrek-qan tamyrlary aýrýlarynyń máselesin sheshý úshin Úkimetkemindetter júktedim. Sol kezde Qazaqstan boıynsha júrekke jylyna 900-gejýyq otalar jasala bastady».

Árıne, bul kardıohırýrgııany damytýdyń basy ǵana edi. Qazirgi tańda elordadaǵy Ulttyq ǵylymı kardıohırýrgııa ortalyǵynyń ózin­de bir jylda jasalǵan otalar joǵarydaǵy aıtylǵan sannan ál­deneshe ese kóp. Ortalyq ótken jyl­dyń qazan aıynda jańadan salynyp, paıdalanýǵa berildi. Resmı túrde aıtatyn bolsaq, 180 tósek-orynǵa arnalǵan «Ulttyq ǵylymı kardıohırýrgııa orta­ly­ǵy» aksıonerlik qoǵamy Prezı­dentimiz N.Nazarbaevtyń bastamasymen qurylǵan Ulttyq medısı­nalyq holdıng quramyna kiredi.

Ortalyqtyń negizgi qyzmeti ınnovasııalyq medısınalyq tehnologııalardy paıdalanyp, joǵa­ry mamandandyrylǵan kardıo­logııalyq, kardıohırýrgııalyq kó­mek kórsetý, sonymen qatar, ambý­latorlyq tekseristen keshendi ońaltý kómegine deıingi aralyqta naýqastarǵa shıpa berý, kardıologııa, kardıohırýrgııa jáne ınter­vensııalyq kardıologııa aıasynda ǵylym-bilim áreketin júzege asyrý bolyp tabylady.

Ortalyq dárigerleriniń árqaı­sysy jetkilikti jumys tájirı­besi men kásibı daıarlyqtyń jo­ǵary deńgeıine ıe mamandar. Olar AQSh, Germanııa, Izraıl, Túr­kııa, Lıtva, Reseı jáne Belo­rýssııanyń jetekshi klınıkalarynda oqyǵan.

Bizdegi orta medısınalyq personal – kóp jylǵy eńbek ótili­men, kardıohırýrgııalyq saladaǵy pasıenttermen jumys isteý daǵ­dysy men tájirıbesine ıe joǵary bilikti mamandar bolyp tabylady.

Bir jylǵa jýyq ýaqyttyń ishinde ortalyǵymyzda myńdaǵan naýqastarǵa kómek kórsetildi, sonyń tórt jarym myńǵa jýyǵy eresekter bolsa, bir jarym myńy balalar. 2000-ǵa jýyq naýqastyń júregine ashyq otalar jasaldy, sonyń 500-i balalar men náres­teler.

Ortalyq ashylǵan kúnnen bas­tap júrek-qan tamyrlarynda patologııasy bar naýqastardy em­deý­de ınnovasııalyq medısınalyq tehnologııalar belsendi túrde qol­danyp keledi. О́tken jyldyń qarashasynda alǵash ret aýyr sozylmaly júrek jetispeýshiligi bar (SJJ) naýqastardy emdeýde biregeı joǵary tehnologııalyq kar­dıohırýrgııalyq otanyń túri engizildi. Ol – sol jaq júrek qa­rynshasyna mehanıkalyq qoldaý qondyrǵysyn ımplantasııalaý dep atalady. Iаǵnı, qarapaıym tilmen aıtar bolsaq, elimiz medısınasynda alǵash ret álgi mehanıkalyq zat arqyly júrekke qan aıdaý tásili múmkin bolyp otyr. Bul ınnovasııalyq tehno­logııanyń múmkindigin búgingi kúnde júrek transplantasııa­sy­nyń jalǵyz balamasy ári sozylmaly júrek jetispeýshiligimen aýyratyn naýqastardy emdeýdiń bir ǵana amaly deýge bolady. Orta­lyǵymyz ótken jyldyń jeltoq­sanynda sońǵy úlgidegi Heart Ware Ventricle Assist Device (VAD) qondyrǵylaryn ımplantasııalady. Osy arqyly júrekke ashyq túrde biregeı joǵary tehnolo­gııalyq otalar jasaıtyn álemniń 22 jetekshi eliniń qataryna kirdi. Atap aıtar bolsaq Avstrııa, Avstralııa, Belgııa, Kanada, Fransııa, Germanııa, Izraıl, t.b memleketter júrekke qondyrǵylardy ımplantasııalaıtyn jetekshi elder sanalady. Osy ýaqytqa deıin atalmysh elder jasaǵan otalar sany shamamen 1500-deı eken. Taǵy bir aıta keter jáıt – ımplantasııalanatyn qondyrǵynyń salmaǵy 1620 gr. Apparat jú­rek­tiń sol jaq jáne oń jaq qaryn­shasyna da qondyryla beredi.

Jalpy osy ýaqytqa deıin ortalyǵymyzda júrektiń qosalqy qan aınalymy qondyrǵysynyń 20 túri ımplantasııalandy. Al, jylyna ortasha eseppen 40 apparatty ımplantasııalaýdy josparlap otyrmyz.

Munymen qosa, ortalyǵy­myzda ROC Safe júıesin qoldaný arqyly kardıohırýrgııalyq otalardy júrgizý tehnologııasy engizildi. Bul pasıent úshin jańa, tıimdi jáne qaýipsiz tehnologııa sanalady. Osy júıeni qoldana otyryp ota jasalǵanda ýaqytsha jasandy ventılıasııa qysqarty­lyp, otadan keıingi qannyń azaıýy (mersat arıtmııasy jáne qan ketý)saldarynan ota kezinde jáne odan keıingi ýaqytta qan quıýǵa naý­qastardyń qajettiligi tómendeıdi.

Aortokoronarlyq shýntteý jáne júrek klapandaryn protezdeý barysynda júrek yrǵaǵynyń buzylýy bar pasıentterdi emdeýde Cardioblate júıesiniń ıntra­operasıondyq radıojıilikti ab­la­sııasy – ınnovasııalyq tehnologııalarymen otalar jasala bastady. Budan basqa, endovaský­lıar­lyq hırýrgtarmen birlese otyra, pasıentterge qıyn gıbrıdti otalar jasalýda.

Ortalyǵymyzdaǵy taǵy bir jetistik – júrekke ashyq operasııa jasaý barysynda Ekstrakorporaldy membrandy oksıgenasııa ádisi engizildi. Uǵynyqty tilmen jetkizer bolsaq, dem alysy álsiz jandarǵa ota jasaý barysynda qanyna ottegi toltyramyz. Bul egý arqyly iske asady. Bul ádis ótken ǵasyrdyń orta sheninde paıda bolǵanymen, elimiz endi ǵana jetistigin kórýde. Sondaı-aq, ıntervensııalyq kardıologııa dári­gerleriniń bastamasymen týa bitken júrek aqaýy (TJA) bar naýqastardyń júrek qarynsha­syn­daǵy «kópirdiń» aqaýyn tran­s­­kateter arqyly jabýǵa arnalǵan tehnologııa engizildi.

Qazaqstanda alǵash ret bir jas­qa deıingi balalarǵa, týabitti júrek aqaýy bar sábılerge, sonymen qatar, bir ǵana qarynshasy bar júrekterge joǵary tehnolo­gııalyq, kópsatyly kardıohırýr­gııalyq operasııalar jasalyp keledi.

Bolashaqta júreginde aqaý bar naýqastarǵa júrek transplantasııasy boıynsha otalar, júrek klapanynda aqaýy bar naýqas­tarǵa aortaldy klapandy teri arqyly protezdeý, arterıaldy gıpertenzııa terapııasyna ınterven­sııalyq emdeý, júrekte az ınva­zıvti endoskopııalyq otalar, arıtmııasy bar balalarǵa joǵary ma­man­dandyrylǵan kómek kórsetý az ınvazıvti endovaskýlıarly aralasýlar josparlanýda.

Ortalyqtyń negizgi mindet­teriniń biri – mańyzdy halyq­aralyq ǵylymı zertteý jobalaryna qatysa alatyn medısınalyq ǵylym men praktıkanyń ıntegrasııasy bolyp tabylady. Ortalyq­tyń ashylýyna deıin, ıaǵnı, 2011 jyldyń sáýirinen bastap júrek yrǵaǵynyń buzylýy, kenetten júrek toqtap qalýdyń genetı­kalyq úrdisteri týraly ǵylymı-tehnıkalyq jobany júzege asyrý boıynsha jumys bastaldy. Osy jobanyń júzege asyrylýy kenetten júrek óliminiń joǵary qaýpi men mersat arıtmııasy bar tulǵa­lardyń júrek yrǵaǵy buzylýy­nyń damý mehanızmi men sebep­terin anyqtaýǵa múmkindik beredi jáne dıagnostıkasynyń jańa ádisterin ázirleýge kómektesedi.

Bizde jańa tehnologııalardy engizý men biliktilikti arttyrý maqsatynda ortalyq mamanda­ry­nyń úzdiksiz oqytylýy júzege asyrylady jáne álemniń AQSh, Germanııa, Nıderlandııa, Lıtva, Chehııa, Slovakııa syndy jetekshi elderi mamandarynyń tartylýymen sheberlik synyptary júr­giziledi.

Respýblıkanyń jergilikti kar­dıologııalyq jáne kardıohırýr­gııalyq ortalyqtaryna uıymdas­tyrýshy-ádistemelik, praktı­ka­lyq, jáne konsýltatıvtik kómek kórsetý aıasynda, sonymen qatar, mekememizge naýqastardy irikteý maqsatynda elimizdiń barlyq aı­maqtaryna kardıologtar, kardıohırýrgtar men arıtmologtardyń saparǵa shyǵýy da dástúrge aınaldy.

Iýrıı Pıa,

«Ulttyq ǵylymı kardıohırýrgııa ortalyǵy» AQ basqarma tóraǵasy.

Ákim dárigerlerge kólik syılady

Oblysta densaýlyq saqtaý basqarmasynyń bastamasymen  «Maman­dyǵy boıynsha úzdik» kásibı baıqaýyn ótkizý dástúrge aınaldy. Bıyl bul baıqaý 5 túrli atalymǵa arnaldy. Sóıtip, baıqaý qorytyn­dysy boıynsha  oblys ortaly­ǵyndaǵy qalalyq jedel járdem aýrýhanasynyń dáriger hırýrgi Álimjan Muhambetov «Úzdik dáriger» dep tanylsa,  № 2 qalalyq aýrý­hanasynyń medbıkesi  Larısa Rýl «Úzdik medbıke» atandy. Sonymen qatar,  «Altyn skalpel», «Altyn fonendoskop», «О́mir syılaıtyn qoldar» atalymdary boıynsha úzdik dep tanylǵan  3 dárigerge oblys ákimi Erlan Aryn  jeńil avtokólikterdiń kilt­terin tapsyrdy.

Mundaı qurmetke qalalyq №1 aýrýhanasy tamyrly hırýrgııa bóliminiń meńgerýshisi Sábıt Júsipov,  oblystyq juqpaly aýrýlar aýrýhanasy qabyldaý bóliminiń meńgerýshisi Alla Volkova, oblystyq perınataldyq ortalyǵy  bas dári­geriniń orynbasary Gúlnar Býrataeva bólendi.

Farıda BYQAI,

«Egemen  Qazaqstan».

Pavlodar.

Implantasııa –   ozyq ádisterdiń biri

Bizdiń bólimshe №2-shi kar­dıohırýrgııa bólim­shesi dep atalady. 22 tó­sek-orynǵa laıyq­tal­ǵan.  6 ma­man eń­bek etedi. Ortalyq ashyl­ǵaly beri bólimshemizde 200-den as­tam ota jasaldy. Osy jyl­ǵa josparlanǵany 300 ota. Sol jaq júrek qaryn­shasyna mehanı­ka­lyq qol­daý qondyrǵy­syn ımplantasııalaý ar­qyly sozylmaly júrek jetispeýshiligi (SJJ) bar naýqastardyń jıyrmasyna ota jasadyq. Ná­tı­jesi jaman emes ekenin tolyq senimmen aıta alamyz.

Árıne bul otany bastap  jasaý úshin, sonyń ádisin ortalyqqa engizý úshin or­talyq dárigerlerine kóp ter tógýge týra keldi. О́ıtkeni, bul kem degende 15 adam bi­rigip jasaıtyn úlken ko­man­dalyq jumys. Hırýrg, kardıohırýrg, ınjener, anes­­­tezıo­log, medbıkeler qaty­satyn bul otanyń erek­sheligi – eli­miz medısınasynda  alǵash ret  mehanı­kalyq zat arqyly júrekke qan aıdaý tásili múm­­kin bolyp otyr. Dári­ger­le­rimiz so­zylmaly júrek je­tis­­peýshiligine baılanysty oqý baǵdarlamasy boıynsha Vıl­nıýs (Lıtva), Fraıbýrg (Germanııa), sondaı-aq, Fran­­sııa, Shveısarııa, AQSh-tyń je­tekshi klınıkalarynda oqyp qaıtty.

Álemdik statıstıka boıynsha orta eseppen jylyna mıllıon adamnyń myńyna kardıohırýrgııalyq otalar jasalady eken. Bizdiń eli­mizde 16 mıllıon adam bar desek, jylyna 16 myń adamǵa kardıohırýrgııalyq aralasýshylyq qajet ekeni túsinikti. Árıne naqty kór­setkish budan joǵary da, nemese sál tómen de bolýy ǵajap emes. Bastysy, jú­regine ota jasalýy tıis adam­dar sany elimizde myń­dap sanalatyny – bul shyndyq. Endi sonyń ishinde sozylmaly júrek jetispeý­shiligi bar naýqastarǵa jylyna júz shaqty ota jasalý qajet eken. Bizdiń ortalyq­ta jylyna sonyń 50-ne ota jasaýǵa múmkindik týyp otyr. Buryn ondaı naýqas­tardyń kópshiligi ómirmen qosh aıtysatyn. Azdaǵan bóligi ǵana óz qarajatta­ry­na ne demeýshilikpen shet memleketterde emdeletin. Al endi shetelde sozylmaly júrek jetispeýshiligine ota jasaýdyń baǵasy, mysaly AQSh-ta 300 myń dollardan bastalady. Bizdiń úkimetimiz otanyń qunyn óz moınyna alyp otyr. Bul da bolsa qarapaıym halyqqa jasalyp jatqan jaqsylyqtar­dyń úlkeni dep túsinemiz.

Serik BEKBOSYNOV,

№2-shi kardıohırýrgııa bólimshesiniń meńgerýshisi.

Ortalyq  ashyldy

«Salamatty Qazaqstan» memlekettik baǵdar­lamasynda  qan aınalysynyń qıyndaýynan bolatyn aýrýlar men ólim-jitim kórsetkishin azaıtý kózdelgen. Osy baǵdarlamany iske asyrý maqsaty­men Atyraý oblystyq aýrýhanasynda júrek-qan tamyry aýrýlaryn emdeýdiń jańa tehnologııalaryna negizdelgen  ınsýlt ortaly­ǵy ashyldy.  Qazir 30 kereýettik orynǵa arnal­ǵan ortalyq eń ozyq úlgidegi medısınalyq jabdyqtarmen qamtamasyz etilip otyr. Munda eńbek etetin dárigerlerdiń kásibı daıarlyǵy da udaıy nazarda.

– Ortalyqty ashýdaǵy basty maqsat –ınsýltqa shaldyqqan naýqastarǵa bilikti medısınalyq   kómek kórsetý. О́ıtkeni, ınsýlt alǵan naýqastar udaıy dárigerlerdiń baqylaýynda bolǵany jón. Sondyq­tan mundaı ortalyq bizdiń óńir úshin de aýadaı qajet. Endi osy ortalyqtyń ashylýymen júrek talmasy aýrýymen aýyratyndardyń dárigerler baqy­laýynda bolý merzimi uzarady. Dárigerlerdiń joldamasymen osynda kompıýterlendirilgen keshendi tekserýden ótýge keledi, –deıdi ortalyq dırektorynyń mindetin atqarýshy Nurjan Antazıev.

Joldasbek ShО́PEǴUL,

«Egemen Qazaqstan».

Atyraý oblysy.

Aspandaǵy «Jedel járdem»

Jyl ótken saıyn elimizde  ozyq emdeý-dıagno­stı­kalyq keshender men eń jańa baǵyttar  boıynsha  orta­lyqtar paıda bolyp, halyqtyń densaýlyǵyn jaqsar­týǵa qyzmet etip keledi.  Solardyń biri Elbasynyń tikeleı qoldaýymen  qurylǵan medısınalyq poıyzdar men avtokólik, medısınalyq  avıasııa júıeleri  bolyp tabylady. Bular  medısınalyq kómektiń qoljetim­dili­gin keńeıtip,  aýyldyqtar úshin  óte tıimdi salaǵa aınal­ǵan. Biz oblystyq aýrýhana bas dárigeriniń orynbasary, óńirdegi  jedel járdem jáne sanıtarlyq avıasııa jumys­taryn úılestirýshi  Oleg  ZAVIаLOVQA jolyǵyp, jer­gi­likti jerde atqarylyp jatqan jumystar týraly aıtyp berýin  suraǵan edik.

– Tótenshe medısınalyq jár­dem qyzmeti kóp salaly. Jerdegi jedel járdem men aspandaǵy medısınalyq av­ıasııa sonyń bir túrine  jatady. Biri jer ústinde, ekin­shisi áýe arqyly  atqarylsa da, tyǵyz sabaqtas, bir-biri­nen bóle-jara qaraýǵa bolmaıdy. Ekeýiniń de negizgi qyz­meti  shu­ǵyl, jedel medı­sınalyq qyzmet­ter atqarý­dy  kózdeı­tin­dikten, naýqas­tyq asqyný­larǵa, ana men ba­laǵa birinshi kezekte jár­dem kórsetý mindetteri qoı­yl­ǵan­dyqtan, kásiptik shebe­rlik, jiti qımyl, jan-jaq­ty ázirlik aldymen talap eti­ledi. Biz óz tarapymyzdan  je­del járdem men  me­dısı­na­lyq avıasııa muq­taj­dyq­taryn sheshýdiń joldaryn pármendi túrde qaras­tyryp kelemiz.

– Oleg Vladımırovıch, keńes kezinde de sanavıa­sııa­nyń bolǵany  belgili. Onyń búgingiden aıyrma­shy­lyǵy qandaı?

– Iá, ol kezderi de jurt­shylyq sanavıasııa qyzme­tine júgingen. О́zimiz   «AN-2» ushaq­tarymen  talaı ret ushyp, aýyl turǵyndaryna qol ushyn bergenbiz. 90 jyl­dardaǵy ekonomı­ka­lyq to­qyraýlar saldarynan  qalyp­tasqan jaqsy dástúr­leri­mizden kóz jazyńqyrap qal­ǵanymyz ras. Qazir osy olqylyqtyń orny tolyp, jaǵdaı áldeqaıda túzeldi. Salystyryp qaraıtyn bol­saq, aıyrmashylyq birden kózge shalynady. Máselen, mate­rıal­dyq-tehnıkalyq ja­ǵynan jabdyqtalý kósh ilgeri. Osy zamanǵy medısı­nalyq qon­dyr­ǵylar men qural- jabdyq­tar da, bilikti dárigerler de jetkilikti. Ushaqtarmen qatar tikushaq­tar qyzmeti de paıdalanylady. «Medısınalyq avıasııa» ataýynyń ózi kóp nárseni ańǵartyp tur.

– Jumys isteý tásili qalaı uıymdastyrylady?

– Buryndary  sanavıasııa «Jedel járdem  ortalyǵy janynda jumys istep kelse,  2010 jyly bizdiń qaramaǵy­myzǵa kóshti.  Buǵan qosa  zamanýı qondyrǵylar orna­tyl­ǵan 4  sheteldik reanımobıl de jedel járdem qyz­metin kórsetedi. Osy jyly 150-ge tarta naýqasqa shuǵyl kómek kórsetildi.  Olardyń 19-y júkti áıelder, 49-y  ba­lalar.  Byltyr 200-ge jýyq shaqyrtý tirkeldi.   Olardyń arasynda  júrek aýrýlary,  jańa týǵan sábı­ler men aýyr bosanǵan ana­larǵa qatysty shaqyrýlar kóp kezdesedi. Sol sebepti, kardıohırýrgter, akýsherler, pedıatrlar mazasyz  issa­par­larǵa jıi shyǵady.  Jumy­symyz Astanada orna­lasqan respýblıkalyq sanı­tar­lyq av­ıasııanyń  orta­lyǵymen ty­ǵyz   úılesken. Osy mekeme ar­qyly sanavıasııa  qyzme­tine júginip, túk­pirdegi aýdandar men eldi meken turǵyn­daryna jedel kómek kórsetý sharalaryn  atqaryp kelemiz.

– Dárigerdiń kásibı bi­lik­tiligi men sheberligi syn­ǵa túser kezde oqys oqıǵalar men «áttegen-aılar» kezdes­peı qoımaı­tyn shyǵar?

– О́mir bolǵan soń ne­she túrli jaǵdaılar kıligip jatady. Birde oblystyq aýrý­hanaǵa  alystaǵy aýdannan jas bosanǵan ana jetkizildi. Jaǵdaıy tym aýyr bolǵan­dyqtan, Astanadaǵy «Ana men bala» ulttyq ǵylymı orta­ly­ǵynan bilikti mamandar sha­qyr­týǵa týra keldi. Olar jetkenshe jergilikti dáriger­ler  adam ómirin saqtap qalý­dyń barlyq múmkindikterin jasap baqty. Ortalyqtyń dáriger­leri  der kezinde jetip, bári sátti aıaqtaldy. Úsh aptalyq náresteniń ómirin aman alyp qalý maqsatymen Almatydan tájirıbeli medısına mamandary aldyryldy.  Sanavıasııa arqyly shaqyr­tylǵan dá­riger mamandary qan qysymy kóterilip, júrek aýrýy  asqy­nyp ketken naýqas­tyń betin beri qaratý úshin birneshe saǵat boıy kúres­ke­nine ózim kýámin. Aıta berse, mundaı mysaldar tolyp jatyr.

Byltyr 800-ge jýyq naý­qas sanavıasııa men jedel járdemniń  kómekterin aldy. Onyń ishinde 258-ne ota jasalyp, 194-i aýrýhanalarǵa jat­qyzyldy. Anestezıologtar – 152 ret, hırýrgter – 81 ret, gınekologtar – 62 ret sha­qyrtý aldy. Osy derektiń ózi   talaı otbasylarǵa qýanysh baqytyn, adamdarǵa ómir syı­laǵan dári­ger­lerimizdiń tynymsyz eńbe­gin áıgilep tur­ǵan joq pa?

Bıyl dárigerlerimiz aýyl-selolarǵa shaqyrtýlarmen baryp, 53 ota jasady. Onyń ishin­de medısınalyq avıasııa kómegi 16 ret júzege asyryldy. Aldaǵy ýaqytta da shuǵyl me­dı­sınalyq qyzmet júıesin tıimdi paıdalana beretin bolamyz.

– Áńgimeńizge rahmet.

Suhbattasqan:  О́mir ESQALI

«Egemen Qazaqstan».

Soltústik Qazaqstan  oblysy.

Betti daıyndaǵan Aıgúl Seıilova, «Egemen Qazaqstan».