Condaı-aq halyqaralyq sharaǵa sondaı-aq elinen kelgen sarapshylar da qatysty.
Tájirıbe almasý Almaty qalasynda ótken halyqaralyq is-sharanyń – TMD elderiniń qurylys salasyndaǵy baǵa belgileý jónindegi komıssııa otyrysynyń sheńberinde boldy.
Halyqaralyq is-shara TMD qatysýshy elderiniń qurylys salasyndaǵy yntymaqtastyq boıynsha úkimetaralyq keńesiniń basshylyǵymen ótti jáne Qazaq qurylys jáne sáýlet ǵylymı-zertteý jáne jobalaý ınstıtýtymen («QazQSǴZI» AQ) uıymdastyryldy.
Qazirgi ýaqytta Qazaqstan jáne Belarýs qurylystaǵy smetalyq baǵalardy anyqtaý kezinde resýrstyq ádisti basshylyqqa alady, bul smetalardy qurylys materıaldaryna naryqtyq baǵalardy esepke ala otyryp, qalyptastyrýdy uıǵarady. Qazaqstanda baǵa belgileýdiń resýrstyq ádisi 2015 jyly qoldanysqa engizildi, baǵa belgileýdegi reformanyń oryndaýshysy QazQSǴZI boldy.
О́z kezeginde, Reseı ókilderi qurylysta resýrstyq ádisti paıdalanýǵa ótýdi 2022 jyly júzege asyrý josparlanyp otyrǵany týraly baıandaǵan.
Halyqaralyq basqosýda RǴTO (Belarýs) dırektory, Komıssııa tóraǵasy, Gennadıı Pýrs Komıssııanyń 2018 jylǵy jumysynyń qorytyndylary týraly esebi usynyldy. Qurylys jáne turǵyn úı-kommýnaldyq sharýashylyq isteri komıtetiniń janyndaǵy qurylystaǵy smetalyq normalar basqarmasynyń basshysy Rabıǵa Bısenova Qazaqstan Respýblıkasyndaǵy baǵa belgileý júıesiniń damý joldary men qol jetkizilgen nátıjeler týraly baıandady. QazQSǴZI Normatıvterdi ázirleý jónindegi ortalyq dırektory Arman Hasen keńesten keıingi keńistik (1991 – 2018) elderiniń baǵa belgileý júıesine taldamalyq sholýyn usyndy.
О́z kezeginde, Hýseın Chelık, Túrkııa eliniń Qorshaǵan orta jáne qala qurylysy mınıstrligi joǵarǵy ǵylymı keńesiniń múshesi Túrkııa eliniń qurylysyndaǵy baǵa belgileýge tanystyrý sholýyn júrgizdi.
Mańyzdy jıynda TMD elderiniń qurylys resýrstaryn kodtaý júıesimen úılestirý, qurylystaǵy aqparattyq modeldeý tehnologııalaryndaǵy baǵa begileý, sondaı-aq VIM-modelderdiń smetalyq aýdıti máseleleri de qosa talqylandy.
Aınash ESALI,
«Egemen Qazaqstan»
ALMATY
