Túrkistan oblysynyń Mádenıet jáne tilderdi damytý basqarmasy, oblystyq Mádenıet jáne halyq shyǵarmashylyǵy ortalyǵy uıymdastyrǵan óner dodasynyń maqsaty - Elbasy N.Nazarbaevtyń «Bolashaqqa baǵdar: rýhanı jańǵyrý» baǵdarlamalyq maqalasy aıasynda daryndy balalar men jasóspirimderdiń shyǵarmashylyǵyna qoldaý kórsetý, otansúıgishtikke baýlý, ulttyq rýhta tárbıeleý jáne estradalyq án oryndaý ónerin damytý, jańa estradalyq ánderdi halyq arasynda keńinen nasıhattap jas talant ıelerin jáne oblystaǵy mádenı is-shara júrgizýshilerin anyqtaý.
Baıqaý talaptaryna sáıkes, óńirdiń aýdan, qalalarynda ótken irikteý kezeńine 605 úmitker qatysyp, aqtyq synda 60 úmitker óz aımaqtarynyń namysyn qorǵady. Qazylar alqasynyń sheshimimen, 7-10 jáne 11-15 jas aralyǵynda qatysýshylar arasynan talantymen júzden júırik tanylǵandar arnaıy dıplom jáne aqshalaı syılyqpen marapattaldy. Sondaı-aq baıqaýdyń maqsatyna sáıkes, olardyń respýblıkalyq, halyqaralyq syndarǵa qatysýy qamtamasyz etilip, qoldaý kórsetiledi.
Ǵalymjan ELShIBAI,
«Egemen Qazaqstan»
Túrkistan oblysy
