Alǵashqy kezeńde ýkraınalyq Denıs Kýdlany, ekinshi aınalymda ızraıldik Denıs Shapavalovty, shırek fınalda reseılik Andreı Rýblevpen utqan jerlesimiz jartylaı fınalda Mıhaıl Kýkýshkın Ýgo Ýmbertpen kezdesti. Álemdik reıtıngte 75 orynda turǵan Fransııanyń tennısshisi osy týrnırde Ernest Gýlbıs, horvatııalyq Borna Chorıch jáne germanııalyq Mattıas Bahınger syndy sańlaqtardan basym túsken bolatyn. Bul básekede de Kýkýshkınniń myqtylyǵy esh kúmán týǵyzǵan joq. Qos settiń qorytyndysy boıynsha 6:4, 6:4 esebimen jeńiske jetken ol fınalǵa joldama aldy.
Aqtyq syndy Mıhaıl Kýkýshkın Stefanos Sısıpaspen sheberlik baıqasady. Álemdik reıtıngte 12 orynda turǵan Grekııa tennısshisi Marseldegi týrnırde buǵan deıin serbııalyq Davıd Kraınovıch, polshalyq Hýbert Hýrkach, ýkraınalyq Sergeı Stazovskıı jáne belgııalyq Davıd Goffennen aılasyn asyrǵan bolatyn.
Ǵalym SÚLEIMEN,
«Egemen Qazaqstan»
