Saqtanǵannyń qorǵanyshy myqty

Juma, 20 shilde 2012 7:27

Jaz aılary túrli juqpaly aý­rýlarǵa jol ashatyn mezgil. Osy kezde, ásirese, tyrysqaq, bezgek syndy dertterdiń órshıtini belgili. Onyń san túrli sebebi bar desek te, adamdardyń óz den­saýlyqtaryna nemquraıdy­lyq­pen qaraýy da kóp jaǵdaıda óki­nishke uryndyryp jatady. De­n­saýlyq saqtaý mınıstrliginde Sa­nıtarlyq-epıdemıologııalyq qa­da­ǵalaý komıtetiniń tóraǵasy Jan­darbek Bekshın ótkizgen brıfıngte osyndaı da oılar aıtyldy.

Juma, 20 shilde 2012 7:27

Jaz aılary túrli juqpaly aý­rýlarǵa jol ashatyn mezgil. Osy kezde, ásirese, tyrysqaq, bezgek syndy dertterdiń órshıtini belgili. Onyń san túrli sebebi bar desek te, adamdardyń óz den­saýlyqtaryna nemquraıdy­lyq­pen qaraýy da kóp jaǵdaıda óki­nishke uryndyryp jatady. De­n­saýlyq saqtaý mınıstrliginde Sa­nıtarlyq-epıdemıologııalyq qa­da­ǵalaý komıtetiniń tóraǵasy Jan­darbek Bekshın ótkizgen brıfıngte osyndaı da oılar aıtyldy.

Aǵymdaǵy jyldyń birinshi jartysynda elimizdegi sanıtar­lyq-epıdemıologııalyq jaǵdaı turaqty deýge bolady. Turǵyn­dar­dyń tyrysqaq, ish súzegi, paratıf, oba, kúıdirgi, dıfterııa, sirespe, aýsyl aýrýlarymen syr­qattaný jaǵdaılary tirkelgen joq. Esesine týlıaremııanyń, bez­gek­tiń, trıhenellezdiń biren-sa­ran jaǵdaıy baıqaldy, dedi J.Bekshın myrza.
Onyń aıtýynsha, ótken jylǵa qaraǵanda, bıyl jiti vırýstyq gepatıtpen syrqattanýshylar 38,6 paıyzǵa, onyń ishinde A vırýstyq gepatıti 39,3 paıyzǵa, V vırýstyq gepatıti 32,6 paıyz­ǵa, qyzylsha 39,5 paıyzǵa, sarp aýrýy 22,6 paıyzǵa, tynys alý aǵzalarynyń týberkýlezi 7,8 pa­ıyzǵa, sondaı-aq VICh aýrýyna shal­dyqqandar 15,1 paıyzǵa kemigen.
Ústimizdegi jyly elimizdiń jeti óńirinde ishek ınfeksııasyn jappaı juqtyrý faktileri oryn aldy. Úı jaǵdaıynda jáne ár­túr­li mereke-toılar ótkizý barysynda qoǵamdyq tamaqtandyrý oryndarynda daıyndalǵan ta­maq­tardyń sapasyzdyǵynan bol­ǵan mundaı jaǵdaılar týraly BAQ kezinde jazǵan bolatyn.
Elimizdiń bas sanıtar dárigeri túrli juqpaly aýrýlardyń shekara asyp keletinin de jasyrmady. О́ıtkeni, elimiz ózge eldermen saýda-sattyq jáne týrıstik baılanys ornatqan ashyq memleketter qatarynda. Ásirese, Reseı, Túrkııa, Shrı-Lanka, Taıland sı­ıaq­­ty memlekettermen qarym-qa­ty­nasta saqtyq sharalaryn umyt­paǵan jón. Máselen, bıyldyń óz­inde Reseıde «Sibir kúıdir­gisi», negizgi otany Taıland bop esep­teletin Qyrym-Kongo qandy bez­gegi oshaqtary anyqtaldy. Son­daı-aq, alys-berisimiz birsha­ma táýir elderdiń qataryndaǵy Túr­kııada qyzylsha, bezgek, ty­rys­qaq aýrýlaryn juqtyrý qaýpi bar.

Aıgúl SEIILOVA,
«Egemen Qazaqstan».