Aımaqtar • 25 Aqpan, 2019

Bıyl Aqtóbe oblysynda 15 jańa mektep salynady

262 retkórsetildi

Aqtóbe oblysynda óńirdegi úshaýysymdy mektepterdi joıý sharalarynyń kesheni júzege asyrylyp jatyr. Qazirgi tańda Aqtóbe qalasyndaǵy alty mektep pen oblys aýdandarynda ornalasqan jeti mektepte sabaqtar úsh aýysymda oqytylady. Aıta ketý kerek, bir jyldyń ishinde úsh aýysymdaǵy mektepter sany segiz birlikke azaıdy. Bul jańa oqý ǵımarattarynyń kóptep salynýynyń arqasynda múmkin boldy. Bul týraly Aqtóbe oblysy ákiminiń baspasóz qyzmeti jazdy.


Tek sońǵy úsh jyldyń ishinde oblysta 48 jańa mektep paıdalanýǵa berilgen. Olardyń ashylýy úsh aýysymdyq oqytý men  27 mekteptegi oryndar tapshylyǵy máselesin kún tártibinen birden alyp tastady, apattyq jaǵdaıda turǵan jáne eski toǵyz mektepti, samannal salynǵan 12 mektepti joıýǵa múmkindik berdi. Bıyl 15 jańa mekteptiń qurylysy aıaqtalady.

Jańa bilim berý nysandarynyń arasynda ereksheleri de bar.

Máselen, daryndy balalarǵa arnalǵan «Ásem» oqytý-tanymdyq ortalyǵy. Onyń biregeıligi balalardy oqýdan úzbeı-aq jyl boıy jumys jasaýynda. Munda bala tek densaýlyǵyn túzep, ımmýnıtetin nyǵaıtyp qana qoımaıdy, sonymen qatar, qajet bilim, jańa áleýmettik tájirıbe alady. Oqý korpýsy ýltra  zamanaýı zerthanalarmen jáne oqý aýdıtorııalarymen jaraqtanǵan. Oqytýdy mektepter men joǵary oqý oryndarynyń jetekshi oqytýshylary, sondaı-aq ártúrli salalarda tabysqa qol jetkizgen kórnekti tulǵalar júrgizedi.

Sondaı-aq, ortalyq aýmaǵynda úsh jatyn korpýsy, jastar ortalyǵy, sporttyq alańdar, jeńil atletıkamen aınalysatyn baza, haýyz ben t.b. ornalasqan.

Jyl boıy ortalyqta eki aptalyq taqyryptyq aýysymdar ótedi. Árbir aýysym aldyńǵylarynan baǵdarlamasynyń mazmuny boıynsha erekshelenedi, sondyqtan balalarǵa lagerge birneshe ret barǵan qyzyq. Aı saıyn munda respýblıka men shetelderden 10-16 jas aralyǵyndaǵy 300-ge jýyq bala qabyldanady.

Taǵy bir nazar aýdararlyq nysan - «Symbat» jeke fızıka-matematıka mektebi janyndaǵy daryndy balalarǵa arnalǵan mektep-ınternat.Internat, eń aldymen, aýyldyq jerlerden keletin balalardy tegin oqytý úshin ashylǵan bolatyn. 85 bala memlekettik bilim berý tapsyrysy aıasynda oqıdy, taǵy 15 grantty mektep quryltaıshylary balalardyń oqýy men turýyna bóldi. Búginde bul Qazaqstandaǵy memlekettik-jeke seriktestik aıasynda júzege asyrylǵan osyndaı jalǵyz joba.  

Jalpy, 2020 jylǵa qaraı Aqtóbe oblysyndaǵy apattyq mektepter men úshaýysymdyq oqytý máselesin tolyqtaı joıý josparlanyp otyr.

 

Sońǵy jańalyqtar

Kókshetaýda qara daýyl, qarly jańbyr

Aımaqtar • Búgin, 22:15

Tynyshtyqbek Ábdikákimuly. KARANTIN

Ádebıet • Búgin, 20:57

Almaty: Jolaýshylar aǵyny men kólik sany azaıdy

Ońtústik Qazaqstan • Búgin, 18:10

Betperde kıgen kóktem - 6

Qoǵam • Búgin, 17:09

D dárýmeni - ınfeksııalardyń «jaýy»

Koronavırýs • Búgin, 16:47

Shymkent: Sıfrly otbasynyń bir kúni

Ońtústik Qazaqstan • Búgin, 15:58

Uqsas jańalyqtar