«Jabyrqaǵannyń janynan tabylý, sharasyzǵa kómek qolyn sozý, qaıyrymdylyq jasaý – halqymyzdyń qanyna bitken asyl qasıetterdiń biri. О́zderińiz bilesizder, osydan birer aı buryn, úsh birdeı búldirshinimizden qapııada kóz jazyp qaldyq. Bul qaıǵyly jaǵdaı tek bir otbasynyń ǵana emes, tutas eldiń qabyrǵasyn qaıystyryp, eńsemizdi túsirdi. Biraq, Allanyń isine amal bar ma?! Halqymyzda "Qaıǵyny bólisseń azaıady..." degen sóz bar. Sol úsh búldirshinimizdiń anasy Jámılá Sádýova qaryndasymyzǵa Syrdarııa ózeniniń sol jaǵalaýyndaǵy jańa qaladan 2 bólmeli páterdiń kiltin tabystaǵaly otyrmyz»,-dedi aımaq basshysy.
Sondaı-aq, jergilikti kásipkerler men qoǵam belsendileriniń demeýshiligimen 1600 astam az qamtylǵan otbasylarǵa azyq-túlik paketteri taratyldy. Qaıyrymdylyq sharasy aıasynda qarjylyq kómek kórsetýdi qalaǵan jandar úshin «Aqmeshit-Syrdarııa» ortalyq meshiti aýmaǵynda arnaıy jáshik qoıyldy. Árbir mekenjaıǵa azyq-túlikterdi jetkizetin kólikter uıymdastyryldy.
Baqtııar TAIJAN,
«Egemen Qazaqstan»
Qyzylorda oblysy
