«2018 jyly 85 mlrd teńgege 55 kásiporyn jańǵyrtyldy. Bul kásiporyndarda munaı men gaz óndirý 10%, al eńbek ónimdiligi 15% ósken. 2019 jyly 85 mlrd teńgeden astam qarajatqa elýden asa kásiporyn jańǵyrtyldy. Aldaǵy besjylda 600 mlrd. teńgege kásiporyndardy jańǵyrtý jáne sıfrlandyrý josparlanyp otyr»,- dep esep berdi ákim orynbasary Qaırat Bekenov.
2018 jyldyń qorytyndysy boıynsha 5,5 mlrd teńge somaǵa oblys aýmaǵynda «EKSPO-2017»-de kórsetilgen jańa tehnologııalardyń alty jobasy engizildi.
Mańyzdy jetistikterdiń biri quny 33 mlrd teńge bolatyn jańartylatyn energııa kózderi salasyndaǵy jobany jasaý úshin ENI jáne General Electric transulttyq korporasııalaryn tartý bolyp tabylady. 2022 jylǵa deıin 60,6 mlrd teńgege EKSPO tehnologııalaryn engize otyra taǵy 15 jobany júzege asyrý josparlanyp otyr.
Sońǵy eki jylda ónerkásip ósiminiń qarqyny 5%-dy quraıdy. О́ńdeý ónerkásibindegi fızıkalyq kólemniń ındeksi 108,8% qurady. О́ńir ónerkásibiniń jalpy qurylymyndaǵy óńdeý ónerkásibiniń úlesi 9% ( 24%-dan 33% deıin) ósti.
Prezıdenttiń ekonomıka salalaryn sıfrlandyrý jónindegi tapsyrmasyn oryndaý aıasynda bilim berý, densaýlyq saqtaý, kólik, TKSh men qaýipsizdik syndy bes basym baǵyt boıynsha jumystar júrgizildi.
Nátıjesinde, balabaqshaǵa kezekke turýdy qalyptastyrý jáne joldama berý boıynsha memlekettik qyzmet avtomattandyryldy. Densaýlyq saqtaý nysandary ınternetpen 100% jabdyqtalǵan.
Aqtóbede «Smart-sıtı» tujyrymdamasy aıasynda avtobýs parkin GPS-trekerlermen jaraqtandyrý, qoǵamdyq kólikti dıspetcherleıtin ortalyq qyzmet, «AktobeBUS» mobıldi qosymshasy, «aqyldy qondyrǵylar» syndy «Aqyldy kólik» jobalary júzege asyryldy. Qalalyq baǵyttaǵy on avtobýsqa pılottyq rejımdegi elektrondy bılet júıesi ornatylǵan.
Ekonomıkanyń agrarlyq sektoryn sıfrlandyrý da belsendi túrde júzege asyrylyp jatyr. 2018 jyldyń qorytyndysy boıynsha 516,1 mıllıard teńge ınvestısııa tartylǵan. 60,4 mlrd teńge somaǵa 11 ınvestısııalyq joba engizildi. Olardyń ishindegi eń úlkeni - quny 45 mlrd. teńge bolatyn «Gas processing Company» JShS gaz óńdeý kesheni.
О́tken jyldyń qorytyndysy boıynsha óńirde shaǵyn jáne orta bıznes ındıkatorlaryn arttyrýdyń oń dınamıkasy baıqalady.
Oblys ákiminiń orynbasary Marat Toqjanov Prezıdent joldaýynyń bilim berý, densaýlyq saqtaý jáne jastar saıasaty salalaryndaǵy «Adamı kapıtal – jańǵyrýdyń negizi» tapsyrmasynyń oryndalý barysy týraly baıandady.
«Biz byltyr memleket basshysynyń barlyq salalar boıynsha 138 tarmaqtan turatyn joldaýyn oryndaý sharalarynyń josparyn qabyldadyq. О́z orynbasarlaryma, jaýapty memlekettik organdardyń basshylaryna Jospardyń barlyq tarmaqtarynyń júzege asyrylý barysyn qatań baqylaýda ustaýǵa tapsyramyn. Oblys ekonomkıasyn ári qaraı damytyp, halyqtyń ál-aýqatyn jaqsartý úshin Elbasy tapsyrmasyn sapaly júzege asyrýymyz kerek»,- dedi jıyndy túıindegen oblys ákimi Berdibek Saparbaev.
