Oblystyq polısııa departamenti «ydys jýmadyń» dep urysqan anasynyń sózin kótere almaı úıinen bezip ketken jetinshi synyp oqıtyn qyzdy qaladaǵy bazar aýmaǵynan tapqan.
«Jasósipirimdi ıývenaldy jáne patrýldi polısııa ókilderi jumyla izdedi. Kópqabatty úılerdiń ójire, shatyr, aýlalaryn, qurylys júrip jatqan obektilerdi, mekemeler aýmaǵyn aralap, turǵyndardan surastyrdy. Bala qala turǵynynyń habarlamasynan – eki saǵattan keıin ǵana eski bazar mańynan tabyldy. Polıseıler joǵalǵan qyzdy ata-anasyna aman-esen qolhatpen tapsyrdy», – deıdi baspasóz qyzmeti.
Jasóspirimderdiń sál nársege bola renjip óz-ózine qol salý oqıǵalary respýblıkamyzdyń ár túkpirinde oryn alyp jatyr. Mektepte muǵalimderden bólek, psıhologtar bar bolǵanymen kóbine oqıǵanyń aldyn alýda dármensizdik tanytady. Jýyrda áleýmettik jelide belgili jýrnalıst Sanjar Kerimbaevtyń Frankl qaǵıdattaryna negizdelgen suhbaty jaryq kórdi. Bilim oshaqtarynda dáris oqyǵan azamat qysqa ýaqytta jaqsy nátıjelerge jetken. Adamdy daǵdarystan, tomaǵa-tuıyq, kúızelisten shyǵaratyn osyndaı sabaqtar urpaq tárbıesinde nátıje beretin sııaqty. Ata-analar men ustazdar qaýymy zerttep kórse artyq bolmas edi.
Baqtııar TAIJAN,
«Egemen Qazaqstan»
Qyzylorda oblysy
