Memorıaldy taqtaısha qaladaǵy Tımırıazev pen Naýryzbaı batyr kósheleriniń qıylysyndaǵy sáýletshiniń kózi tirisinde ózi turǵan úıiniń qabyrǵasynan oryn alǵan.
«Ortalyq Azııadaǵy KSRO-nyń halyq sáýletshisi ataǵyn alǵan jalǵyz sáýletshi Qaldybaı Jumaǵalıuly sanaly ǵumyryn halqyna arnady. Onyń qazaq sáýlet ónerine sińirgen eńbegi zor. Ol óte belsendi azamat bolatyn. Aınalasyna únemi jas sáýletshilerdi jınap, olarǵa bilgenin úıretýden jalyqpaıtyn. Oǵan jasalǵan qurmet – búkil qazaq sáýlet ónerine berilgen bıik baǵa dep esepteımin», – deıdi «AlmatyBasJospar» ǵylymı-zertteý ınstıtýty dırektorynyń keńesshisi Janat Aıtileý.
Bir kezderi Qazaqstan sáýletshiler odaǵyna jetekshilik etken Qaldybaı Montahaev Almatydaǵy respýblıka alańy, qalalyq ákimdik ǵımaraty, Prezıdent rezıdensııasy, áýejaı ǵımaraty syndy kóptegen jobalardyń avtory. Budan bólek elimizdiń úlken qalalaryndaǵy birqatar eńseli ǵımarattardyń esimi Montahaevtyń qoltańbasymen tyǵyz baılanysty.
Arman OKTIаBR,
«Egemen Qazaqstan»
ALMATY
