«Aýyldyq aımaqtardy damytý» baǵdarlamasy aıasynda uıymdastyrylǵan sharada fermerler tyńaıtqyshtardy, ósimdikterdi qorǵaý quraldaryn, otandyq jáne sheteldik tuqymdar men aýyl sharýashylyǵy materıaldaryn arzandatylǵan baǵamen alýǵa múmkindik týdy. О́z kezeginde bul sharalar sharýalarǵa óz shyǵyndaryn edáýir qysqartýǵa múmkindik beredi. Jármeńkege Almaty oblysynyń Aýyl sharýashylyǵy basqarmasy, Almaty oblysynyń «Atameken» QR Ulttyq Kásipkerler Palatasy (UKP), Eńbekshiqazaq aýdanynyń jáne Shelek aýyldyq okrýginiń ákimdikteri resmı túrde qoldaý kórsetti.
«Elbasy qazan aıyndaǵy Joldaýynda agroónerkásiptik keshenniń áleýetin tolyǵymen iske asyrý qajet ekendigin atap kórsetken. Prezıdent tapsyrmasyna sáıkes, barlyq memlekettik qoldaý sharalaryn elge zamanaýı agrotehnologııalardy aýqymdy tartýǵa baǵyttaý qajet. О́z kezeginde osy tehnologııalar bizdiń oblysqa da jetip otyr. Egin alqaptary sıfrlyq nysanǵa kóshirilýde, járdem qarajat berý úderisi avtomattandyrylyp, aýyl kásipkerleri sharýashylyqty júrgizýdiń jańa daǵdylaryna oqytylýda. Búgingi Jármeńke bizdiń aımaqtyń aýylsharýashylyq óndirýshileri arasynda tájirıbe jáne ozyq praktıkamen almasýdyń taǵy bir múmkindigi», – dedi Almaty oblysynyń aýyl sharýashylyǵy Basqarmasy basshysynyń orynbasary Koıýmchan Omarov.
Sondaı-aq Almaty oblysy ákimdigi men «Atameken» UKP ókilderi fermerlerge sýbsıdııany qalaı alý kerektigin jáne olarǵa memlekettiń qoldaýy qandaı paıda ákeletinin túsindirdi. Atap aıtqanda, aǵymdaǵy jyldyń 1 qańtarynan bastap satyp alý normalary boıynsha tańdaýly tuqymdar men 1 reprodýksııa tuqymdaryn sýbsıdııalaýdy eskeretin tuqym ósirý sharýashylyǵynda járdem qarajat berýdiń jańa tásimi engizilgen. Bul rette tuqymdar aýylsharýashylyq ónimderin óndirýshige bastapqy jarnasyz tólemniń kúzge deıin qaldyrylýymen beriledi, al olardyń shyǵystary oblys ákimdigimen 100%-ǵa óteledi. Kúzde, egin jınalǵannan keıin, aýylsharýashylyq ónimderin óndirýshi Mamandandyrylǵan uıymǵa norma boıynsha tańdaýly tuqymdar nemese 1 reprodýksııa tuqymdar qunynyń 30%-yn qaıtarady.
«Bıylǵy jármeńkege ótken jylǵa qaraǵanda eki ese kóp fermer qatysty. Bul da bolsa, aldaǵy kóktemgi egis maýsymyn josparlaý alańy retinde ózin tanytqan is-sharanyń tanymaldylyǵy artyp kele jatqandyǵyn kórsetedi. Jármeńkeniń arqasynda fermerler kerekti ónimderin jetkizýshilerden tikeleı alatyn boldy. Al bul olardyń shyǵyndaryn aıtarlyqtaı azaıtady. Endi olar jyl boıy Shelek aýylyndaǵy Agrobıznes ortalyǵy bazasynda ashylǵan «Agrodúkennen» barlyq qajetti taýarlaryn eń tómen baǵamen satyp ala alady. Ol bizdiń baǵdarlama sheńberinde bıznestiń qoldaýy arqasynda ashyldy. Jáne biz aýylymyzdaǵy ómirdi jaqsartýǵa járdemdesip, fermerlerimizdiń damýyna udaıy múmkindikter týǵyzyp otyrǵan, ıaǵnı osy jobany iske asyratyn «Fılıp Morrıs Qazaqstan» kompanııasyna óte rızamyz», – deıdi Eńbekshiqazaq aýdandyq jergilikti qaýymdastyqtar qorynyń dırektory Baqytgúl Elshibaeva.
Aınash ESALI,
«Egemen Qazaqstan»
ALMATY
